Кривошапкин Василий Федотович Нам улууһун Тастаах нэһилиэгэр элбэх оҕолоох Кулуба Сөдүөт-Кривошапкин Федот Андреевич уонна Кривошапкина Ирина Михайловна дьиэ кэргэттэригэр 1905 сыллаахха күн сирин көрбүт. Ийэтэ Ирина Михайловнаҕа Нам улууһугар бастакынан “Дьоруой ийэ” бочуоттах аат иҥэриллибитэ. Биллэринэн ийэлэрэ 21 оҕону төрөппүт. Олортон 15-һэ тыыннаах хаалбыт: 10 уол уонна 5 кыыс. Ини-бии 10 уолтан алтата Аҕа дойду Улуу сэриитигэр ыҥырыллан барбыттар, үһэ сэрии толоонугар тыыннара быстыбыт, үһэ төннөн кэлбиттэр.
Арҕаа Хаҥалас 2-с Одуну нэһилиэгэр 1908 сыллаахха төрөөбүт Екатерина Васильевнаны кэргэн ылан түөрт оҕоломмуттар: икки кыыс уонна икки уол.
Сэрии иннинэ Горнай оройуонун суолун салаатыгар сэбиэдэссийинэн үлэлээбит.
1941 сыллаахха ЯОРКВ ыҥырыытынан Горнай оройуонуттан Аҕа дойду Улуу сэриитигэр барбыт.
1942 сыл олунньу 22 күнүгэр Смоленскай аннынан сэрии толоонугар өлбүт. Рядовой. Смоленскай уобалас Износковскай уобалаһын Туровка дэриэбинэтиттэн 1 килэмиэтирдээх сиргэ көмүллүбүт (222 сд., 774 сп.) диэн кэлин быһаарыллыбыта.
Кэргэнэ сэрии сылларыгар Горнай райпотун остолобуойугар поварынан үлэлээбит. Түөрт оҕото бары улаатан, сэттэ сиэннээх, уон биир хос сиэннээх.
Кривошапкин Василий Федотович
РаспечататьНашли ошибку? Просим написать нам: nvk-online@mail.ru с указанием ссылки.