Красильников Егор Егорович диэн Чурапчы Мугудайыттан төрүттээх киһи биүиги ийэбитин кытта ыал буолан олорон 1941 сыл күһүөрү Аҕа Дойду сэриитигэр барбыт. “Ньукулай Бартыһаан” колхозка биригэдьииринэн үлэлии сылдьыбыт. Биир уол оҕоломмуттар, ол оҕо 2 сааһын ааһан иһэн иһинэн ыалдьан өлбүт. Ийэм Аммаҕа үчүгэй үлэтин иһин стахановецтар мунньахтарыгар барбытын кэннэ. Барарыгар муус доруобай оҕо хаалбыта үһү. Ийэм аҕатын аатын ааттатыахтаах оҕом өлбүтэ диэн хомойон кэпсиир этэ. Армияҕа хайдах барбытынан эргиллибэтэх. Сытыы-хотуу, турбут-олорбут киһи эбит. Улахан уҥуохтаах, үөрэхтээх киһи ханна тиийэн өлбүтэ биллибэт, сураҕа суох сүппүт. Ийэм Чурапчылары дьонун кытта билсибэт эбитэ үһү. Саахсалаах буолан ийэм кини фамилиятынан Красильникова диэн 1947с. мин аҕабар кэргэн тахсыар диэри сылдьыбыт. Онон ийэм сэрии, тыыл бэтэрээннэрин испииһэгэр ол фамилиятынан аата суруллубута.
Ахтыыны суруйда Севастьянова Кланья Васильевна
Распечатать