Тыкынаев Дмитрий Егорович.
1891 сыллаахха Соҕотох Бэс дэриэбинэтигэр төрөөбүтэ. Сэрии бириэмэтигэр трудовой фроҥҥа улэлээбитэ. Кадровай булчут этэ. Элбэх тииҥи, горностаайы, кииһи, куобаҕы бултуура. Коллективнай хаһаайыстыбаларга оройуонтан былаан түһэрэллэрэ. Кыһыҥҥы өттүгэр бултуур былаан, ас сокотуопкатыгар, таһаҕас таһыытыгар, көмүс хостонор сиригэр Бодойбоҕо, Алдаҥҥа. Саамай байанайдаах булчутунан «Совет» холхуос чилиэнэ Тыкынаев Дмитрий Егорович аатырара. Киэн сис тыалар, таас хайалаах үрэхтэр систэрин эҥээрин кэрийэн тииҥи, кырынааһы, солоҥдону, саЬыллары өлгөмнүк бултаан ийэ дойду валютнай фондатыгар сымнаҕас түүлээх кыһыл көмүскэ тэҥнээги өлгөм бултаан туттарара. Элбэх сылларга холхуос былаанын толорон кэлбитэ. Сайын бастыҥ отчут. От үлэтигэр буспут – хаппыт киһи этэ. Саас от үлэтигэр туттар сэптэрин сыарҕалары, хотуурдары, кыраабыллары ремоннаан бэлэмниир этэ. Хойут оҕонньор кыра уола Семен Дмитриевич аҕатын «туйаҕын –хатаран» аҕатыттан үөрэнэн бэрт байанайдаах булчут буолан холхуос-совхоз былаанын толорон кэллэ. Билигин Дмитрий Егорович сиэннэрэ, эһэлэрин байанайдаах булдун салгыыллар. Павел Гаврилович бэйэтэ, уолаттара, хос сиэннэрэ Сергей, Андрей Тыкынаевтар урут эһэлэрэ сылдьыталаабыт бултаабыт – алтаабыт сирдэринэн сылдьан кыһыл көмүс түүлээҕи бултууллар. За трудовые заслуги награжден медалью «За доблестный труд в Великой Отечественной войне 1941-1945 гг».
Подразделение где служил, воспоминания и биография.