Ноговицын Степан Гаврильевич

Ноговицын Степан Гаврильевич Мэҥэ Хаҥалас улууһугар Доллу нэһилиэгэр 1907 с төрөөбүтэ. Ыстапаан эдэригэр бэйэтин кыанар, атаҕынан быһый эбитэ үһү. Оччотооҕу араас түмсүүлэргэ уонна ыһыахтарга сырсара, кылыйара , бастыҥнар кэккэлэригэр сылдьара эбит. Сэрии иннинэ 4-5 ат көлөлөөх5 киһини кытта таһаҕас таһыытыгар ыраах Томмокко, Ааллаах Үүҥҥэ кыһын бараллара, саас кэлэллэрэ. Бүтэһик сырыытыгар бэлисипиэт аҕалбыта, ол бириэмийэтэ эбит. Сайынын колхозка окко үлэлиирэ. 1941 сыл сайын уот кураан буолан, Ыстапааннааҕы кытта хас да колхозтааҕы Горнай оройуонугар окко ыыппыттар. Ол оттуу сырыттахтарына, кытаанах харабылларынан манатан фроҥҥа ыыппыттар. Ыстапаан 1941 с байыаннай үөрэххэ үөрэнэн баран,1942 с олунньу ыйга Ленинград куорат көмүскэлигэр сэриилэспит, элбэхтик өлөр-тиллэр быһылааҥҥа киирэ сылдьыбыт. Биир ый сэрии хонуутуттан тахсыбакка сылдьыбыттар. Хорсунун иһин киниэхэ « За отвагу» диэн мэтээлинэн наҕараадалаабыттар. Ол кэмҥэ илиитигэр бааһыран, уһун кэмҥэ госпиталга эмтэнэн, 2-с группалаах инвалид буолан, 1942 с дойдутугар эргиллэн кэлэр.
1942 с.алтынньытыттан Майаҕа эргиэн тэрилтэтигэр, Райсоюзка харабылынан, 32 сыл устата үтүө суобастаахтык үлэлиир.
1990с 15.12. ыалдьан олохтон туоруур.
Наҕараадалара:«Орден ВОВ – Iстепени»., Медаль «За отвагу», “За победу над Германией”
Подразделение где служил, воспоминания и биография.

Распечатать