Петров Алексей Спиридонович

Петров Алексей Спиридонович (1920 – 1975) – l Чочу нэһилиэгэр 1920 сыллаахха төрөөбүтэ. Армияҕа 1943 сыл бэс ыйын 12 күнүгэр ыҥырыллыбыт, 855-с СП, 62-с СД 36-с СП, 91-с ЗСП, 538-с СП рядовой саллаата. 1946 сыл ахсынньы ыйга демобилизацияламмыт. “Бойобуой үтүөлэрин иһин” иккитэ, “Хорсунун иһин”, “Германияны кыайыы иһин” бойобуой мэтээллэринэн, “1941-45 с.с. Аҕа дойду Улуу сэриитигэр килбиэннээх үлэтин иһин” мэтээлинэн наҕараадаламмыта. 1938 сылтан 1968 с. диэри колхозтаах, колхоз бэрэссэдээтэлэ, сэрииттэн кэлэн баран Ст. Аржаков аатынан совхоз Чочутааҕы отделениятын буҕаалтырынан үлэлээбитэ. 1975 сыллаахха Чочуга олорон өлбүтэ. Улахан Испирдиэн орто уола. Ленинграды уонна Финляндияны босхолуур кыргыһыылар кыттыылааҕа. 92-с СП Краковскай дивизиоҥҥа сэриилэһэ сылдьан Польша сиригэр үктэммитэ. Краков куорат иһин кыргыһыыга илиитигэр халымардык бааһырбыта уонна бэрэбээскилэтэ түһээт, төттөрү сэриигэ киирбитэ. Ол киэһэтигэр Краков Рокоссовскай штрафной батальонун көмөтүнэн өстөөхтөртөн ыраастаммыта. Саллаат бойобуой суола Висла өрүһү туораан салгыы барбыта. Ыам ыйын 5 күнүгэр Германия капитуляциялаабытын “Бойобуой листоктан” ааҕан билбиттэр. Ити чаастан демобилизацияланан 1946 сыл бүтүүтэ дойдутугар бойобуой мэтээллэрдээх, Сталинтан махтал суруктаах Кыайыы саллаата Алексей Петров эргиллэн кэлбитэ. Кини аатын салгыыллар элбэх кэнчээри ыччаттара.

Распечатать