Дмитрий Васильевич Уус-Алдан улууһун Тэбиик нэһилиэгэр 02.01.1920 сыллаахха Акулина Алексеевна, Василий Львович Сыроватскайдар диэн элбэх оҕолоох дьиэ кэргэҥҥэ төрөөбүт.
Кыра оҕо эрдэҕинэ ийэтэ хараҕа суох буолбут, аҕата эрдэ өлбүт. 4 кылаас үөрэхтээх буолан суруйар, ааҕар, нуччалыы быһаарсар эбит.
Колхозка биригэдьииринэн, ферма сэбиэдиссэйинэн, ветеранынан, “Маркс” колхоз председателинэн үлэлээбит. Сэрии сылларыгар от үүммэккэ уонна оту ордорбот аһыҥа түһэн, 1941-42 сылларга Нам, Кэбээйи оройуоннарыгар көһөн оттуур, сүөһү иитэр “Бээди” колхоз дьонун салайан үлэлэппит.
1944 сыл бэс ыйын 15 күнүгэр Чурапчытааҕы военнай комиссариатынан сэриигэ барарга бэбиэскэлэммит. Саха сириттэн Иркутскай уобаласка тиийэн, карантин кэнниттэн Монголияҕа 80-с стрелковай полкаҕа ыытыллыбыт. Кинини “Максимка” пулемекка пулеметчик көмөлөһөөччүтүгэр үөрэппиттэр. Тамсаг-Булаг диэн сиргэ биһиги 80-с стрелковай полкабыт пулеметнай чааһыгар стрелок быһыытынан анаммыт. Онно сылдьан улаханнык ыалдьан, инвалид буолан 1945 сыл атырдьах ыйын 15 күнүгэр армияттан сыыйыллан дойдутугар эргиллэн кэлэн тыылга үлэлиир.
Кини көнө, чиэһинэй майгылаах, үлэни эрэ өрө туппут, дьоҥҥо-сэргэҕэ ытыктанар ытык-мааны киһи этэ.
Оҕолоро, сиэннэрэ, хос сиэннэрэ, хос хос сиэннэрэ.
Распечатать