Протопопов Иван Николаевич

Протопопов Иван Николаевич Аҕа дойду сэриитин актыыбынай кыттыылааҕа, үлэ ветерана. Албан аат III-степеннээх орденын, элбэх боевой медалларын кавалера, Нам оройуонун бочуоттаах олохтооҕо.
Кини 1917 сыллаахха ыам ыйын 15 күнүгэр Нам оройуонугар Салбан нэhилиэгин кырыы- уhук тыатыгар төрөөбүтэ.
1941 сыллаахха бэс ыйын 21 кунугэр үс бииргэ төрөөбүттэр Аҕа дойуну көмүскүү барбыттар. Биһи эhэбит 233-с стрелковай полка састаабыгар киирсэн 1942 сыл олунньу санатыгар Москва анныгар сэриилэһэ тиийэр.
Кулун тутар 11 күнүгэр эhээбит биир үрдэли ылар иһин кыргыһыыга улаханнык бааhыран ыраах тыылга госпиталга эмкэ барбыт уонна сэттэ ый эмтэнэн баран күhүн дойдутугар эргиллэн кэлэр.
Иккис убайа Павел 1943 сыллааха Сталинграды босхолуу иhин тэҥэ суох кыргыhыыга олунньу 22 кунугэр өлбүт. Улахан убайа Прокопий илиҥҥи фронҥа сэриилэhэн 1945 сыллаахха сэриини түмүктээн баран кэлбит. Иван Николаевич Оройуоннааҕы сберкассаҕа сэбиэдиссэйинэн ананар.
Барыта 1933 сыллаахха нэhилиэк советын секретарынан саҕалаан 51 сыл араас эппиэттээх үлэлэргэ ол иhигэр: райсовет аппараатыгар отдел сэбиэдиссэйинэн 8 сыл коммунальнай хонтуора уонна ремстрой учаастагы саҥалыы тэрийэн иккиэннэригэр начальнигынан 14 сыл, райпотребсоюз правлениятын начальнигынан 17 сыл үлэлээбит, сберкасса уонна Госстрах инспекциятын начальнигынан 17 сыл үлэлээбитэ.
Эhээбит орденнара:
1. Отечественной войны I степени.
2. Славы III-степени.
Мэтээллэрэ:
1. За доблестный труд в Великой Отечественной войне 1941-45 г.г.
2. За победу над германией в Великой отечественной войне1941-1945 г.г.
3. 20 лет победы ВОВ.
4. 25 лет победы ВОВ.
5. 30 лет победы ВОВ (участнику войны)
6. 40 лет победы ВОВ (участнику трудового фронта).
7. 40 лет победы (участнику войны)
8. 50 лет вооруженным силам СССР.
9. 50 лет победы ВОВ.
10. Кыайыы 50 сыла.
11. За доблестный труд в ознаменовании 100 лет со дня рождения         В.И. Ленина.
12. 60 лет вооруженным силам СССР
13. 70 лет вооруженным силам СССР
14. Ветеран труда за долголетний добросовестный труд.
15. Победитель социалистического соревнования 1978 г.
Аҕа дойду Улуу сэриитин кыттыылаахтарын бу кыайыы 75 сылынан истинник эҕэрдэлиибит! Уоттаах сэрии суолун төлө көппүт Улуу Кыайыыны уhансыбыт ветераннарга барҕа махтал тылларын этэбит, эhиги иннигитигэр сүгүрүйэбин!

Распечатать