БАИШЕВ ПЕТР ИННОКЕНТЬЕВИЧ
Баишев Петр Иннокентьевич 1917с. Мэҥэ Хаҥалас оройуонун,Дьабыыл нэһилиэгэр Хоту Үрэххэ Иннокентий Дмитриевичтээххэ иккис оҕонон төрөөбүт. Алта группалаах начальнай оскуолаҕа үөрэммит.Үөрэҕэр кыһамньылаах,сэмэй бэрээдэктээх үөрэнээччинэн бэлиэтэммит. Ордук ахсаан уруогар дьоҕурдааҕа. Ол да иһин оскуоланы бүтэрээт,Майаҕа райпотребсоюз хонтуоратыгар суотчутунан үлэлээбит.
Петр Иннокентьевич 1943с. сэриигэ барар бэбиэскэни туппут. Чита уобалаһыгар Забайкальскай байыаннай уокурукка 20 кон.депоҕа сэриигэ барар аттары бэлэмнээһиҥҥэ сылдьыбыт. Армияттан 1945с. сержант званиелаах төннүбүт. Петр Иннокентьевич ” Германияны Кыайыы иһин”,” Аҕа дойду Улуу сэриитин сылларыгар килбиэннээх үлэтин иһин” мэтээллэринэн бэлиэтэммит.
Петр Иннокентьевич сэрии иннинэ Лоомтукаттан төрүттээх Тимофеева Дария Федоровналыын ыал буолбуттар. Кинилэр икки уол,түөрт кыыс оҕолоохтор. Бүөтүр сэрииттэн төннөн кэлэн,Лоомтукаҕа колхозка суотчуттуур,кэнники бөдөҥсүйбүт Ленин аатынан совхозка отделение биригэдьииринэн,онтон заправщигынан үлэлээбит.
1982с. олохтон туораабыта.
Петр Иннокентьевич оҕолоро,сиэннэрэ,хос сиэннэрэ кини сырдык аатын үйэтитэллэр.
Распечатать