Мостахов Егор Егорович

Саха АССР Ленинскэй оройуонун Таркаайы нэһилиэгэр 1920 сыллаахха төрөөбүтэ.
Саха. Алта кылаас үөрэхтээх. Партията суох. ,
. “Бөргөмдө” колхоз чилнэнэ,
биригэдьииринэн, суотчутунан үлэлээбитэ уонна армияҕа ынырыллыар диэри колхоз председателэ этэ.
1 1942-с. от ыйыгар армияҕа ынырыллыбыта.
Байыаннай бэлэмнэниини Молотовскай уобаласка барбыта. 19-с хайыһар биригээдэтин састаабыгар киллэриллибитэ. Ильмень күөлгэ хааннаах кыргыһыыга кыттыбыта. Ефрейтор.
1943 с. атырдьах ыйыгар 87-с Кыһыл Знамялаах гвардейскай полка састаабыгар артеллерийскэй батальоҥҥа сулууспалаабыта, снайпер, разведчик. Старай Руссо куораты босхолооһуҥҥа кыттыбыта. Икки төгүл бааһырбыта. 1943 сыллаахха миинэ оскуолкатынан хаҥас илиитин салбаҕа уонна өттүгун уҥуоҕар туһэн ыараханнык бааһырбыта. Аҕа дойду сэриити II-с группалаах инбэлиитэ буолан, 1944 с. муус устар ыйыгар армияттан босхоломмута.
Сэрии кэннинээҕи сылларга үтүө суобастаахтык лесничэйинэн, потребсоюзка бэрэдэбиэһинэн өр үлэлээбигэ.
Иккк оҕону улаатыннарбыта, 5 сиэннээх, 7 хос сиэннээх.
Албан аат III степеннээх орденынан наҕараадаламмыта, “Аҕа дойдуну көмүскүүр) сэрии сылларыгар килбиэннээх үлэтин иһин , “Германияны Кыайыы иһин”, “Улуу Кыайыы 20 сылыгар” мэтээллэрдээх уонна колхоз правлениетыттан, райлесхоз, райпотребсоюз, облрайвоенкомат тэрилтэлэриттэн элбэх грамоталардаах.
1969 сыллаахха 49 сааһыгар өлбүтэ.

Распечатать