Федоров Егор Васильевич 1926 сыллаахха Мэҥэ-Хаҥалас улууһун 2 Хаптаҕай нэһилиэгэр Улуу Тоҕойго төрөөбүтэ. 1943 сыллаахха байыаннай призывка ыҥырыллан, 1944 сыл бэс ыйыгар Кыһыл Армияҕа сулууспалыы барбыта. Иркутскай уобалас “Мальта” диэн сиргэ түбэспитэ. Онтон “Наука” диэн станцияҕа коннай эскадрильяҕа ыыппыттара. Сэтинньи ый 1944 сылыгар Мальтаҕа төннүбүтэ. Онтон Илин фроҥҥа станция “Даура” диэн байыаннай чааска ыыппыттара. Онно байыаннай үөрэххэ үөрэммитэ. 1945 сыл бэс ыйыгар Илиҥҥи фроҥҥа 1 Забайкальскай байыаннай уокурукка сулуспалаабыта. Милитаристкай Япония утары сэриигэ кыттыбыта. 145 стрелковай полк 8 ротатыгар 2 нүөмэрдээх пулеметчик этэ. Япония сэриитин кыайыытын кэнниттэн “За победу над Японией” диэн мэтээлинэн наҕараадаламмыта. Сэрии кэнниттэн Хабаровскай кыраай “Бабастова” станциятыгар секретнай байыаннай аэродромугар харабылынан сылдьыбыта. Сулууспалыы сылдьан 1946 сыллаахха уҥа хараҕын өлөттөрөн Хабаровскай куоракка военно-полевой госпитальга эмтэммитэ. 1947 сыллаахха төрөөбүт дойдутугар эргиллэн кэлбитэ. 1952 сылтан дэриэбинэтигэр аан бастакы электростанция арыллыаҕыттан электромонтерунан үлэлээбитэ.
Фёдоров Егор Васильевич
РаспечататьНашли ошибку? Просим написать нам: nvk-online@mail.ru с указанием ссылки.