Генерова Анна Степановна Тойбохой сэлиэнньэтин олохтооҕо, үлэ уонна тыыл ветерана, РСФСР норуотун үөрэҕириитин туйгуна.
Аҕа дойду Улуу сэриитин бириэмэтигэр оонньоммотох оҕо сааһа ааспыт. Сэрии саҕана улахан дьону кытта тэңңэ үлэлиирэ. Саас ыһыы үлэтэ, сайын күн аайы өрөбүлэ суох күүстээх от үлэтигэр, күһүн үүнүү хомууругар, ыкса куһун тымныыны-чысхааны аахсыбакка бурдук астааһыныгар молотилкаҕа үлэлэһэрэ. 13 саастааҕар улаханнык ыалдьыбыт ийэтин солбуйан фермаҕа үлэлээбитэ. Кыһынын аҕатын сохсотун сохсолоон уонна туһах иитэн куобахтыыра үһү. Онтун 2-3 хоно-хоно кэрийэн мэлдьитин куобах сүгэһэрдээх кэлэн үөрүү-көтүү бөҕө буолара диэн ахтар. 1946 сыллаахха сэрии кэминээҕи үлэтэ сыаналанан «1941-1945 сс. Аҕа дойду Улуу сэриитин сылларыгар килбиэннээх үлэтин иһин» мэтээлинэн наҕараадаламмыт.
Генерова Анна Степановна
РаспечататьНашли ошибку? Просим написать нам: nvk-online@mail.ru с указанием ссылки.