Антонов Егор Васильевич

Антонов Егор Васильевич (1916-1943) – 1916 сыллаахха Ньурба улууһун ll Хаҥалас нэһилиэгэр төрөөбүт, комсомолец, ситэтэ суох орто үөрэхтээх, сэриигэ барыан иннинэ 1938-1942 с.с. Дьокуускай бириистэнигэр Лена өрүс пароходствотыгар оттук мас бэлэмнээһинигэр боломуочунайынан үлэлии сылдьыбыт, армияҕа 1942 сыл бэс ыйын 16 күнүгэр Өлүөхүмэ БК ыҥырыллыбыт. 28307 полевой почта, 1943 сыл ахсынньы ыйга сураҕа суох сүппүт. Төрөппүттэрэ уолларыттан 1943 сыллаахха сэтинньи ый 21 күнүгэр бүтэһик суруйбут суругун 28307-У №-дээх полевой почтаттан туппутара ыйыллыбыт. Аны туран, Антонов Егор Васильевич диэн ааттаах саллаат 1943 сыл сэтинньи 29 күнүгэр өлбүт, Гута дэриэбинэҕэ бырааттыы көмүүгэ көмүллүбүтэ көһүннэ. Бу биһиги киһибит буолуох курдук. 28307 полевой почта 178-с армия саппаас стрелковай полкатыгар баара чуолкайданна. Ол аата Егор Васильевич үөрэххэ сылдьан суруйбут суруга буолуон сөп курдук. Егор олус күүстэх көрүҥнээх, бүлтэччи көрбүт киэҥ харахтаах хара бараан киһи эбит. Нууччалыы олус үчүгэйдик билэрэ диэн кэпсииллэр. Сэриигэ баҕа өттүнэн тылланан барбыт. Антоновтар улахан уоллара Егор Васильевич туһунан Ньурба киһитэ Никифоров С.Г. ахтыытыттан: Онно кэпсэринэн, Ильмень күөл ортотугар кимэн киириигэ үс буолан – Никифоров С.Г., Антонов Егор уонна К. Чиряев бииргэ
Киирэн истэхтэринэ немец самолёттара буомбалаабыттарыгар муус үрдүгэр “Ураа !, хаһыытаабытынан охтубуттар.
Саллаат Егор Васильевич Антонов аата үйэлэргэ ааттана турдун.

Распечатать