Антонов Пётр Васильевич

Антонов Пётр Васильевич (1920-1966) – 1920 сыллаахха Кыадаҥда нэһилиэгэр төрөөбүт, 1943 сыллаахха армияҕа ыҥырыллыбыт, 1946 сыллаахха демобилизацияламмыт. Сэрии кэнниттэн культура тэрилтэлэригэр үлэлээбитэ. 1966 сыллаахха Бүлүү куоратыгар олорон өлбүтэ. Томскай Виссарион Андреевич ахтыыта: “Антонов Биһылай уола. Бииргэ төрөөбүттэрэ Дьөгүөр, Баһылай. Сэрии кэнниттэн Кыадаҥдаҕа кулуупка үлэлии сылдьыбыта, онтон сэбиэдиссэй этэ быһыыта. Драма куруһуогун ыытара, маннык гыныахтааххыт диэн көрдөрөрүн биһиги дьиҥнээх артыыстар курдук сананан үтүктэн иһэрбит. Ол кэнниттэн киинэ мэхээнньигэ буолбута. Бүлүүгэ киирэн “Сардаҥа” кинотеатрга дириэктэринэн үлэлээбитэ
Сотору-сотору Кыадаҥдаҕа дьонугар тахса сылдьар буолара. Уҥуоҕунан кыра, бэйэтигэр сөп эттээх-сииннээх киһи этэ. Антоновтартан саамай кыралара кини. Оҕолордоох этэ”. Пётр Васильевич Антонов аатын оҕолоро, аймахтара салгыыллар.

Распечатать