Антонов Василий Васильевич -1926 сыллаах төрүөх, армияҕа 1944 (1942) сыл бэс ыйын 22 күнүгэр ФЗО-ҕа сылдьан ыҥырыллыбыт. Японияны утары сэрии кыттыылааҕа. 1950 сыл алтынньы ый 13 күнүгэр демобилизацияламмыт, ветеринардаабыт. Саллаат Василий Васильевич ахтыыта: “1942 сыл. ФЗО-ҕа ыҥырыллан барбытым. Миигин кытта Петров А.С., Петров М.С., Чиряев П.Н., Петров А.Н. барбыттара. Якутскайга, Хаҥаласка, Сангаарга сылдьыбыппыт. ФЗО-тан кэлэн баран, армияҕа ыҥырыллан Япония сэриитигэр сылдьыбытым. Китайга охранаҕа сылдьыбытым. Цеха куоракка японецтары манаабыппыт. Китайга сылдьан испэр уу үөскээн операциялаабыттара. Барыта армияҕа 5 сыл сылдьан кэлбитим. Куоракка 10 кылааһы вечернэйгэ үөрэнэн бүтэрбитим. Онтон ветеринарнай үөрэххэ үөрэммитим. Билигин Украинаҕа Винница куоракка олоробун, үлэлиибин”. Василий Васильевич Антонов аатын ыччаттара салгыыллар.
Антонов Василий Васильевич
РаспечататьНашли ошибку? Просим написать нам: nvk-online@mail.ru с указанием ссылки.