Иудин Егор Федотович

Иудин Егор Федотович (1920-1968) – 1920 сыллаахха Ампаардаахха l Чочу нэһилиэгэр төрөөбүтэ, армияҕа 1944 сыл муус устар 21 күнүгэр ыҥырыллыбыт. Забайкальскай фронт 25-с мотомеханизированнай биригээдэтин рядовой саллаата, Японияны утары сэрии кыттыылааҕа. 1946 сыллаахха ыам ыйын 19 күнүгэр демобилизацияламмыт. Дойдутугар “Японияны кыайыы иһин” мэтээллээх эргиллибитэ. Сэрии кэнниттэн баһаарынай чааска, лесхозка, райпотребсоюзка атыыһытынан үлэлии сылдьыбыта. 1968 сыллаахха Бүлүү куоратыгар олорон өлбүтэ. Саллаат ахтыыта: “Мин 1944 с. Забайкальскай фроҥҥа
Монголияҕа 25-с мотомеханизированнай биригээдэҕэ сылдьыбытым. Биһиги кадровай армиябыт 1945 с. Япония сэриитигэр киирбитэ. Японецтар куотан иһэллэр этэ, биһиги Жеке куораттан төннүбүппүт. Төннөн чааспытыгар кэлэбит. 1946 с. ыам ыйын 19 күнүгэр демобилизацияҕа түбэһэн дойдубар этэҥҥэ төннөн кэлбитим. “Японияны кыайыы иһин” мэтээллээхпин, Сталинтан Махтал суругу ылбытым. “От 23 августа 1945 г. за N 370 за боевое сражение, преодоление г. Хинган и безводной Монгольской степи ефрейтору т. Иудину Егору Федотовичу объявляю благодарность”.
Сэрииттэн кэлэн баран эргиэн ситимигэр 16 сыл, онтон лесхозка үһүс сылбын үлэлиибин. Иллэҥ кэммэр дружиннигынан уонна агитаторынан үлэлиибин”.
Егор Федотович Иудин олоҕо оҕолоругар, сиэннэригэр салҕанар.

Распечатать