Иванов Михаил Романович

1907 сыллаахха Хорула нэһилиэгэр төрөөбүтэ. «Кыһыл кустук» колхоз чилиэнэ. Армияҕа от ыйын 7 күнүгэр 1944 сыллаахха ыҥырыллыбыта.
Улан-Удэнэн, Волганан киэҥ Украинаҕа тиийбитэ. Сэриигэ 52-с гвардейскай танковай биригээдэҕэ I Белорусскай фроҥҥа стрелогунан, автоматчигынан сылдьыбыта, элбэх куораттары босхолооһуҥҥа кыттыспыта. Сэриини Берлиҥҥэ тиийэн түмүктээбитэ.
1945 сыллаахха өктөөп ыйыгар, кыра бааһырыылаах дойдутугар эргиллэн кэлбитэ.
Хорсун буойун, автоматчик Ийэ дойдутун хоодуоттук көмүскэспитэ. Кини «Аҕа дойду сэриитин II степеннээх Орденынан», «Берлины ылыы иһин», «Германияны кыайыы иһин» уо.д.а. элбэх юбилейнай медалларынан наҕараадаламмыта.
Сэрии бүтүөҕүттэн Михаил Романович эмиэ уруккутун курдук эйэлээх олоҕу тутуспутунан барбыта. Ор сыллаах эҥкилэ суох улэтин элбэх грамоталар, хайҕал суруктар туоһулууллар. Ол курдук:
-1965 с. Саха АССР Президиумун Верховнай Советын Почетнай грамотатынан наҕараадаламмыта;
-1972 с. Хорула нэһилиэгин Бочуот кинигэтигэр киирбитэ;
-1977 с. «Марха совхоз» Бочуот кинигэтигэр киирбитэ;
-1977 с. Коммунистическай улэ ударнигын урдук аатын ылбыта.
Биэс оҕолоох, оҕолоро бары үөрэхтээх үлэһит дьоннор.
1992 сыл ыам ыйын 25 күнүгэр олохтон туораабыта.

Распечатать