Награжден медалями «За освобождение Праги», «За взятие Кенигсберга», «За победу над Германией в Великой Отечественной войне 1941—1945 гг.», «За доблестный труд в Великой Отечественной войне 1941-1945 гг.» и др. юбилейными медалями.
В РККА призван 1942 г. Алданским РВК. В Забайкалье прошел 4-х месячный курс, по окончании которого был направлен на Западный фронт. Служил в 202 стрелковом полку, в 1944-45 гг. служил в батальоне по ремонту дорог.
Звание: гвардии ефрейтор.
Демобилизован 25 сентября 1945 г.
Никифоров Т.В. родился 08.11.1902 в Лягинском наслеге Восточно-Кангаласского улуса Якутской области. С 1929-1942 гг. работал по лесозаготовке в золодобывающем прииске Тырканда Алданского района.
После войны до выхода на пенсию работал на плотником стройке.
Умер 24.11.1976.
Жена Александра Ивановна, воспитали двух приемных детей. Сын, внуки и правнуки живут в Мегино-Кангаласском улусе и Якутске.
Терентий Васильевич Тоторбот Бүөтүр улахан уола Моҕус Киргиэлэй уола Микииппэр алтыс уола Могдойо Баһылай дьиэ кэргэнигэр бастакы уолунан төрөөбүтэ. Бииргэ төрөөбүт бырааттара Николай-Бассабыык уонна Спиридон.
Терентий Васильевич-Бүлүүскэй орто уҥуохтаах, халыҥ-киппэ көрүҥнээх, хара бараан дьүһүннээх, олус элбэх кэпсээннээх, өрүүтүн тугу эмэ кэпсии-ипсии сылдьар киһи этэ. Эдэр эрдэҕинэ бииргэ үлэлээбит табаарыстара туттарыттан, көтөҕөрүттэн көрөн сөҕөннөр, салланнар кыанар, күүстээх, кус быһый киһинэн билинэн кэпсээн оҥостор этилэр. Маһы суордаҕына кэпсээнин быыһыгар ким-хайа иннинэ суоран бүтэрбитэ эрэ баар буолара. Хаһан кэпсиирэ, суорара буолла диэн сөҕөллөрө. Тутууга үлэлии сылдьан тимир луому указка (ыйар тэрил) курдук туттара үһү.
1933 сыллаахха Хомустаахха, Байыыккалар бүтэһик ыһыахтарын ыспыттара. Онно дьон бөҕөтө мустубута. Лээгиттэн, Амма-Наахараттан икки өттүттэн аттаах, сатыы кэлитэлээбиттэрэ, оччотооҕуга сахаларга киирэн сайылаан олорор табалаах тоҥустар мустубуттара. Ыһыахха 40-ча киһи 400-кэ метр сиргэ сырсыбыттара. Онно Терентий барыларын куотан кэлбитэ.
Терентий итиннэ балачча түргэнник сүүрэрин дьоҥҥо көрдөрбүтэ. Холбоһуктааһын саҕана, 1929 – 1942 сыллардаахха Тырканда бириискэтигэр көмүс хостуур тэрилтэҕэ үлэҕэ киирэн, мас бэлэмнээһинигэр үлэлээн, бириискэ араас быһылааннаах олоҕун толору билбитэ.
1942 сыл сэрии буола турдаҕына, иккиэн бииргэ аргыстаһан Томмот куораттан сэриигэ ыҥырыллан барбыппыт. Кини Забайкальеҕа тиийэн 4 ый үөрэнэн баран Арҕаа сэриилэһэр аармыйаҕа атаарыллыбыта. 202-с СП, 1944-45 сс. суолу оҥорор батальоҥҥа сулууспалаан 1945 сыл балаҕан ыйын 25 күнүгэр гвардия-ефрейтора званиелаах кыайыы кынаттанан «Праганы босхолооһун иһин», «Кенигсберы ылыы иһин», «Германияны кыайыы иһин» мэтээллэрдээх Сахатын сиригэр эргиллибитэ. 1970 с. «Аҕа дойдуну көмүскүүр Улуу сэрии 1941–1945 сс. килбиэннээх үлэтин иһин» мэтээлинэн наҕараадаламмыта.
Быраата Спиридон олохсуйбут сиригэр Өнньүөскэ, Ымыйахтаахха кэлэн икки оҕолоох Александрова Александра Ивановналыын ыал буолбута.
Пенсияҕа тахсыар диэри тутууга үлэлээбитэ. 1976 сыллаахха. сэтинньи 24 күнүгэр өлбүтэ.
Григорьев Михаил Васильевич ахыыбыттан.
Распечатать