Раев Михаил Петрович (1914-1969) – Сыралта нэһилиэгэр Бахымахха 1914 сыллаахха төрөөбүт, ситэтэ суох орто үөрэхтээх, армияҕа 1942 сыллаахха от үлэтэ үгэннээн турдаҕына ыҥырыллыбыт. Ураллааҕы хайыһар батальонугар сулууспалаабыт, 3209 N-дээх ЭГ быһаарыытынан 1944 сыллаахха армияттан демобилизацияламмыт. “1941-1945 с.с. Аҕа дойду Улуу сэриитигэр килбиэннээх үлэтин иһин” мэтээлинэн наҕараадаламмыта. 1969 сыллаахха Бахымахха өлбүтэ. Чебаркульга байыаннай үөрэҕин ааһан хайыһар батальонугар түбэһэр. Фроҥҥа тиийэн иһэн аара немецкэй авиация буомбалааһыныгар атаҕар ыараханнык бааһыран госпиталларга уһуннук эмтэнэн, араанньыта ыараханынан 1944 сыллаахха армияттан сыыйыллан дойдутугар тиийэн кэлбитэ. Михаил Петрович аатын ыччаттара салгыыллар.
Раев Михаил Петрович
РаспечататьНашли ошибку? Просим написать нам: nvk-online@mail.ru с указанием ссылки.