Мэҥэ улууһун Тараҕай нэһилиэгэр «Холлоҕостоох» алааска 9 оҕолоох Романовтар төрүттэриттэн Аҕа дойду Улуу сэриитигэр 4 уол кыайыыны уһансыбыттара: Алексей, Антон, Егор уонна Еремей. Кинилэр аҕалара Романов Петр Григорьевич, ийэлэрэ Дьяконова Ирина Кузьминична-Биэкэнэ кыыһа.
Романов Еремей Петрович (1901 – 05.09.1991 сс.) 1942 сыллаахха Бурятияҕа Забайкальскай военнай округ 20-с коннай депоҕа үлэ фронугар армияҕа ыҥырыллан барбыта. Сэрииттэн Кыайыы кынаттаах соҕотоҕун төннөн кэлэр. Бурнашева Вера Петровнаны кэргэн ылан, 7 оҕону иитэн, үөрэхтэтэлээн олорбуттара. Тутууга үлэлээбитэ. Еремей Петрович «Аҕа дойду сэриитин сылларыгар килбиэннээх үлэтин иһин», «Германияны кыайыы иһин», «Японияны кыайыы иһин» уонна юбилейнай мэтээллэринэн наҕараадаламмыта. 1991 сыллаахха олохтон туораабыта.
Эһээлэргэ махталбытын этиэххэйин бука бары!
Сиэн кыыс Кононова Вера Иннокентьевна
Распечатать