Шадрин Иван Семёнович

Шадрин Иван Семёнович (1921-1944) – l Чочу нэһилиэгэр Чинэкэ эбэҕэ 1921 сыллаахха төрөөбүт. Табаарыһынаан Томскай Семён Семёновичтыын Чочу начаалынай кылааһын бүтэрбиттэр. Салгыы куорат 7-с кылааһын үөрэнэн бүтэрэн баран, педучилищеҕа үөрэнэ киирэллэр. Училищены 1942 сыллаахха бүтэрэр. Бу сыл балаҕан ыйын 4 күнүгэр армияҕа ыҥырыллар. 1944 сыллаахха l Белорусскай фронт 28-с Армиятын 152-с СД 646-с СП рядовой саллаатынан сэриилэһэ сылдьан от ыйын 18 күнүгэр кыргыһыы хонуутугар охтубут. Белоруссияҕа Заверши диэн Брест уобалаһын Пружанскай оройуонун дэриэбинэтигэр 167.7 үрдэлгэ көмүллүбүт.
Историческая справка. 152 СД формироваться начала 23 декабря 1941 года в Красноуфимске как 430-я стрелковая дивизия. 7 января 1942 г. переименована в 153-ю стрелковую дивизию. В состав дивизии были призваны военнообязанные 17 национальностей, на 75% совершенно не обученные. В июле 1944 г. входит в состав l – го Белорусского фронта, 28-й Армии.
Иван Семёнович төрөөбүтүнэн Петров Иван Петрович – Чохочу кыра уола. Бииргэ төрөөбүттэр сэттиэлэр – Даарыйа, Бүөтүр, Сүөдэр, Лэгэнтэй, Никиитэ, Уйбаан, Ньукулай. Бу уолаттартан Сүөдэр, Никиитэ, Уйбаан, Ньукулай сэриигэ ыҥырыллыбыттара. Уйбаантан атын түөрт уолаттар сэрииттэн эргиллэн кэлэн ыал төрдө буолбуттара. Уйбаан сэрииттэн эргиллибэтэҕэ.
Хорсун буойун Иван Семёнович Шадрин аатын аймахтара ааттата туруохтара.

Распечатать