Уваров Иван Егорович

Награды. Подразделение где служил, воспоминания и биография.Эһээм Уваров Иван Егорович 1920 с. төрүөх. Сэрии иннинэ Амма улууһун Эмис нэһилиэгэр ийэтинээн олорбута. 1942 с. от ыйын 20 к. Арҕаа фроҥҥа сэриигэ ыҥырыллыбыта, Молдавияҕа тиийэ сэриилэспитэ. 1943 с. бэс ыйын 30 к. илиҥҥи фроҥҥа ыҥырыллыбыта, Монголияҕа учебнай батальоҥҥа автоматчик кууруһун бүтэрэн Японияны квантунскай аармыйатын утары сэриигэ кыттыбыта. 1946 с. ыам ыйыгар “Японияны кыайыы иһин” бойобуой мэтээллээх дойдутугар эргиллибитэ. Эһээм Уйбаан Арҕаа уонна Илин сэриигэ иккиэннэригэр ыҥырыллан сылдьыбыт уонна иккиэннэриттэн улахан бааһырыыта суох тыыннаах эргиллэн кэлбит. 1959 с. Эбэбинээн Кузьмина Евдокия Константиновналыын ыал буолан Бүтэйдээххэ олохсуйбуттар, Байкалов аатынан холкуоска, сопхуоска сүөһү иитиитигэр бэриниилээхтик үлэлээн ” Үлэ килбиэнин иһин” мэтээлинэн наҕараадаламмыта. Эбэбинээн 7 оҕону иитэн, улаатыннаран бэртээхэй дьон оҥорбуттара. Эһээм икки фрон тухары аармыйаҕа сулууспалыырыгар доруобуйата мөлтөөн, илистэн баара-суоҕа 55 сааһыгар өлбүтэ.

Распечатать