Награжден «За взятие Берлина», «За победу над Германией в Великой Отечественной войне 1941—1945 гг.» и др. медалями, благодарственными письмами.
В РККА призван 26.06.1944 Учурским РВК. Служил в 57-м гвардейском кавалерийском полке 15-й гвардейского кавалерийской дивизии I-го Белорусского фронта. Командиром полка был И.Т. Чаленко. Дошел до Берлина. Кавалерист.
Демобилизован 25.09.1945 г.
Николаев М.М. родился в 1913 г. С малых лет с родителями-охотниками кочевали между Лягинским наслегом, Алданским и Хангаласским улусами. Охотник. Образования не имеет.
После войны работал кадровым охотником в колхозе «Правда», совхозе им. К.К. Байкалова Мегино-Кангаласского района.
Макар Михайлович Николаев Михаил Петрович уонна Матрена Николаевна булчут дьиҥ эбэҥки дьиэ кэргэнигэр сэттис оҕонон төрөөбүтэ, Николай Михайлович-Дьыктаан уонна Егор Михайлович-Эhиэкэй бииргэ төрөөбүт бырааттара. Төрүттэрэ былыргыттан Лээги, Алдан, Арҕаа Хаҥалас сиринэн бултаан-алтаан көһө сылдьыбыт дьон.
Макар кыра эрдэҕиттэн булчут төрөппүттэрин кытта көһө сылдьар буолан үөрэммэтэх. Оҕо эрдэҕиттэн булт сонорун эрэйин билэн, тыалы, силбиги, тоҥууну, сороҕор булт тосхойбокко аччык да хонору тулуйа улааппыта. Оонньоммотох оҕо саас диэн өйдөбүл кини олоҕор ордук чугас. Кини сэмэй, көнө, килбик майгылааҕа.
Макар үйэтин тухары сэрии иннинэ да, кэнниттэн да Мэҥэ-Хаҥалас «Правда“ холкуоһугар, кэлин Байкалов аатынан сопхуос биир бастыҥ булчута этэ.
Сарсыарда эрдэттэн киэһэ хойукка диэри булт соноро, кэлэн тоҥ хаһаа үүтээни оттуу, ас бэлэмнэнии, бултаах сири батыһан көhөн сылдьыы, элбэх тулууру, үлэни, сыраны эрэйэрин булчуттар эрэ билэн эрдэхтэрэ.
Сэриигэ 26.06.1944 с. Учур оройуонун Анамы нэһилиэгиттэн ыҥырыллыбыта. Кини I Белорусскай фроҥҥа 57 гвардейскай кавалерийскай полка И.Т. Чаленко командирдаах 15-с гвардейскай дивизия састаабыгар сэриилэспитэ. Дивизия Бойобуол Кыһыл Знамя уонна Суворов II степеннээх уордьаныннарынан наҕараадаламмыта. Белоруссияҕа Мозырь куораты босхолооһуҥҥа үтүөлэрин иһин дивизия Мозырьская диэн анал бочуоттаах ааты сүкпүтэ. сулууспалаан Берлиҥҥэ тиийэ сэриилэспитэ. «Берлини ылыы иһин», «Германияны кыайыы иһин» уо.д.а. элбэх үбүлүөйүнэй мэтээллэрдээх, махтал суруктардаах.
1945 сыл балаҕан ыйын 25 күнүгэр демобизацияламмыта.
Акулина Дьячковская,
Тиэлиги-Чыамайыкы
Распечатать