Сыроватский Софрон Гаврильевич

Дойдулары айамаабыт А5а Дойду улуу сэриитэ са5аланыыта Соппуруон 22-лээх чэгиэн эр бэрдэ сэриигэ ыҥырыллан барыахтаа5ын оччотоо5у Совмин хотугу оройуоннартан сэриигэ ылбат туһунан уураа5а тахсан тохтоппут. Онон кини туох баар күүьүн-сэниэтин биэрэн туран килбиэннээх үлэтинэн ыраах тыылга улэ фронугар кыттыбыт уонна Улуу Кыайыы туһугар бэйэтин сэмэй кылаатын киллэрсибит. Ол курдук оройуоннарга байыаннай сакаас диэн сылаас таҥаска, түүлээх булка, балыкка, эккэ былаан тиэрдиллэн ыраах хоту дьон сэрии содулун эттэринэн – хааннарынан туох баар оччотоо5у ыар кэм, аччыктааһын, кырыымчык олох тугун ханныгын билбит.
Сэрии сылларыгар республика оройуоннарыттан сылгыны массовайдык хомуйбуттар. Ыраах Саккырыыр оройуонун ол эмиэ тумнубатах. Холкуостартан сырыыны-айаны кыайар дьону сүүмэрдээн сылгы үүрүүтугэр анаабыттар. Кинилэр истэригэр Соппуруона талыллан ыраах Уус-Алдан сиригэр үөр сылгылары үүрэн тиэрпиттэр. бу сүрдээх эппиэтинэстээх, уһун унньуктаах айан эбитэ уһу.
1952 сыллаахха Эмэндэрээҥҥэ Варвара Николаевналыын ыал буолан, холбоһон 4 кыыс о5олонон олох дьолун билбиттэрэ.
А5абыт, эһээбит кадровай булчут Софрон Гаврильевич ситиһиилэрэ:
1. В.И. Ленин төрөөбүтэ 100 сылыгар аналлаах юбилейнай мэдээлинэн көнө суобастаах кыһамньылаах үлэтин иһин 1970 сыллаахха на5араадаламмыт
2. “Ударник девятой пятилетки” знагынан 1975 сыллаахха на5араадаламмыт
3. 1975 сыллаахха “Социалистическай соревнование кыайыылаа5а” знагынан 1976 сыллаахха на5араадаламмыт
4. 1979 сыллаахха өр сылларга көнө суобастаахтык, кыһамньылаахтык үлэлээбитин иһин “Ветеран труда” диэн мэдээлинэн на5араадаламмыт
5. Ленинскэй сопхуос бочуот кинигэтигэр 1976 сыллаахха киирбит.

Распечатать