Уолба сэттэ саастаах оскуолатыгар аҕыс сааһыгар бастакы кылааска үөрэнэ киирбитэ. Уон сааһыгар төгүрүк тулаайах хаалбыт, ол иһин үөрэнэр кыаҕа суох буолан, Калинин аатынан колхозка илии-атах үлэһитинэн киирбитэ. Сааһын ыһыыга, сайынын от үлэтигэр, күһүнүн бурдук хомууругар, хортуоска хостооһунугар, кыһынын хотоҥҥо дояркаларга көмөлөһөрө. Ол быыһыгар хоргуйан өлбөт туһугар дьоҥҥо тирии имитэрэ, бурдук тардара. Уон түөрт сааһын туолаат да колхозка ыанньыхсытынан үлэлээбитэ. Улахан дьону кытта тэҥҥэ үлэлээн барбыт.
1946 сыллаахха “За доблестный труд в Великой Отечественной Войне 1941–1945 гг.” мэтээлинэн наҕараадыламмыт.
Пенсияҕа тахсыар диэри доярканан үлэлээбитэ.
Тыыл, үлэ ветерана, сэттэ оҕо ийэтэ, элбэх сиэн, хос сиэн күн күбэй эбэлэрэ.
Титова Октябрина Павловна
РаспечататьНашли ошибку? Просим написать нам: nvk-online@mail.ru с указанием ссылки.