Заболоцкий Еремей Тихонович

Тыыл, үлэ ветерана. Сэттэ оҕо аҕата, уон сэттэ сиэн, элбэх хос сиэн эһэтэ.
Түөрт саастааҕар аҕата өлөн, уон сааһыгар ийэтэ орто дойдуттан баран төгүрүк тулаайах хаалбыт. Чычымахха үөрэнэн сэттэ кылааһы бүтэрбит. Сэрии кэмигэр уон биир сааһыттан сайынын оҕус сиэтээччинэн, күһүнүн бурдук хомууругар, кыһынын от-мас үлэтигэр, сүөһү көрүүтүгэр харса суох үлэлээн “За доблестный труд в Великой Отечественной Войне 1941–1945” мэтээлинэн наҕараадыламмыт. Сэрии кэнниттэн тракторист комбайнер курсугар үөрэнэн МТСка тракториһынан үлэлээбит.
1961–1963 милииссийэҕэ үлэлээбитэ, младший сержант этэ.
Онтон Кыйыга көһөн баран Таатта совхозка рабочайынан, ол кэннэ пенсияҕа тахсыар диэри лесхозка леснигынан бэрэниилээхтик үлэлээбитэ.

Распечатать