Мин 1938 сыллаахха “Булуук” колхозка киирбитим. 1940 сыллаахха Түөлбэ5э “Прожектор” колхозка холбоспуппут. 1941 сылга диэри колхозка хонуу үлэтигэр үлэлээбитим. 1941с. бииргэ төрөөбүт икки убайым сэриигэ барбыттара. 1942с. кэргэним уонна икки убайым сэриигэ барбыттара. Ол барбыт биэс киһиттэн ким да эргиллибэтэҕэ. Кэргэним Чымыев Трофим Михайлович уонна убайым Васильев Федор Иннокентьевич өлбүттэрин туһунан биллэрии кэлбитэ. Васильев Руф Иннокентьевич, Васильев Трофим Иннокентьевич, Елисеев Алексей Иннокентьевич (ыалга иитиллибит) эмиэ сэрииттэн төннүбэтэхтэрэ. Дьоннорум барбыттарын кэннэ ферма үлэтигэр киирбитим. Фермаҕа уопсайа 15 сыл үлэлээбитим. Биирдии бэйэбит 15-тии ынаҕы ыырбыт, ону таһынан субай сүөһү бостууктуурбут. Уопсайа 30-тан тахсалыы сүөһүнү көрөрбүт. Оччотооҕу ферма үлэтэ олус түбүктээх этэ. Бары үлэтин бэйэбит эргиччи толорорбут. Дьиэбитигэр киэһэ тиийэн, бурдук тардан лэппиэскэлээн сиир бит. Сэрии кэмигэр “За трудовую доблесть” мэтээлинэн наҕараадаламмытым. Чымыев Трофим Михайловичтан 1942 сыллаахха Розалия диэн кыыс оҕолонмутум. Розалия 6 оҕолоох. Сэрии кэнниттэн трудовой фронҥа сылдьыбыт Ньурба киһитигэр Егоров Семен Егоровичка кэргэн тахсан икки уол уонна икки кыыс оҕолоохпун.
Егорова (Васильева) Евдокия Иннокентьевна
РаспечататьНашли ошибку? Просим написать нам: nvk-online@mail.ru с указанием ссылки.