Сыромятников Василий Егорович

Аҕа дойдуну көмүскүүр Улуу сэриигэ Иккис Лөгөй нэьилиэгиттэн түөрт бииргэ төөрөөбүт бырааттыы Сыромятниковтар кыттыбыттара.
Кинилэр ийэлэрэ Васильева Дария Васильевна Тулуна олохтооҕо, аҕалара Сыромятников Георгий Прокопьевич уруккута Таатта улууьун Мэҥэ Алдан нэьилиэгин Кириэс Халдьаайы баайын уола этилэр. Кинилэртэн ҥ уол оҕо төрөөбүт: Василий Егорович -1912, Николай Егорович – 1913, Иван Егорович – 1916, Егор Егорович – 1920 сыллардаахха.
Улахан уол, Василий Егорович Сыромятников Толооҥҥо Иван Габышевы (Кый) кытта “Кыьыл бартыьаан” диэн табаарыстыбаны тэрийбиттэрэ 1931 сыллаахха “Кыһыл күүс” холкуоска холбоспута.
Булҕаалтыр үөрэҕин бүтэрэн баран, Бороҕоҥҥо, Алдан аэропордугар, кэлин 1955 сылтан Намҥа Госбаан кылаабынай буҕаалтырынан үлэлээбитэ.
1942 сыл сайыныгар Аҕа дойдуну көмүскүүр Улуу сэриигэ ыҥырыллыбыта. Берлины ылыы кэнниттэн, 1946 сыл тохсунньутугар дойтутугар төннөн кэлбитэ. Аармыйаҕа училищеҕа үөрэнэн, артиллерист буолбута. Минометчиктары, артиллеристары үөрэппитэ, младшай лейтенант сыбаанньаламмыта. “За взятие Берлина” уонна “За победу над Германией” мэдээллэринэн наҕараадаламмыта. Кэргэнэ Сыромятникова-Бурцева Екатерина Васильевналыын 6 оҕоломмуттара. Бары оҕо-уруу бөҕө, ытык-мааны дьон.
Василий Егорович биэнсийэҕэ тахсан баран, 1974 сыллаахха Намҥа өлбүтэ.

Распечатать