Стручкова Матрена Васильевна

Стручкова Матрена Васильевна (1935- 2011).
Мин Сэргэлээххэ Бүөр диэн сиргэ төрөөбүтүм.Ийэм Клепондина Анна Тимофеевна,кэргэнэ эрдэ Елена,түөрт оҕолоругар огдообо хаалбыт. Убайым Гошаны таайа Клепондин Иннокентий Тимофеевич, миигин эбэм Маарыйа иитэ ылбыттар.Ийэм фермаҕа асчыт,сайын от үлэтигэр күүһэ кыайарынан мөхсөрө.Олус аһыныгас дууһалааҕа,ураты минньигэс астааҕа,иистэнньэҥ этэ. 13 сааспыттан фермаҕа көмө үлэһит этим.Суораттатан мустараллара, сайын ону отчуттарга тастараллара,кыһын натуураҕа түҥэтэллэрэ. Күһүөрү бөҺүөлэктэн кэм курдук сиргэ турарыгар Ыылаахха омурҕаҥҥа чэй кэһиилээх тиийдэхпинэ,кус биэрэн ыыталлара үчүгэй да буолааччы.Оҕуһунан уу тиэйэрим,кыьыҥҥы тымныыларга энэрим илийэн тоҥон хаалара.Айаас сиһиттэн мас тиэйэрим,күҥҥэ иккитэ эргийэрим.Сэрии кэмигэр агитатордар сылдьан кэпсииллэрэ, ийэм “уолаттар илдьиэхтэрэ” диэн куттанара. Кыайыы үөрүүтүгэр сүөгэйдээх үүт биэрбиттэрэ,арыынан барыбытыгар натуура үллэрбиттэрэ.
Иискэ үөрэнэн, чугастааҕы дьоҥҥо сон тигэрим,куобах тириитэ имитэрим. Убай-абаҕа дьонум Баһылай, Христофор Илларионович Потаповтар оҕолорун оҕолоон соччо аччыктаабатаҕым. Билигин ыал ийэтэ, эбэтэ туолан,сиэннэрбин сүбэлээн-амалаан олоробун. Ыччаттарым айылга биэрбитинэн хомус, ырыа, үҥкүү дьарыктаахтар.
2000 сыл.

Распечатать