Сивцев Михаил Семенович

18 сааһын туоларын кытта 1943 сыллаахха ыам ыйыгар Кыһыл Аармыйа кэккэтигэр ыҥырыллыбыта. Сулууспатын Монголия Народнай Республикатын территориятыгар саҕалаабыта. 1047 стрелковай полк, 5 батальонун ФТР ротатыгар байыаннай бэлэмнэниини барбыта. Бу чааска 1945 сыл бүтүөр диэри сылдьыбыта.
“Биһиги чааспыт 1945 сыл атырдьах ыйыгар Японияны утары сэриигэ киирбитэ. Монголия уута суох куиах куйаарынан, Хинган сис хайатын чиэрэстээн 2600 километр сири барбыппыт. Биһиги полкабыт 2 резербэҕэ иһэрэ. 1945 сыллаахха балаҕан ыйыгар Японияны кыайыы биллэриллибитэ. Биһиги чааспыт айанын тохтоппута, түөрт хонон баран төннүбүппүт. Ити сэриигэ кыттыым иһин Японияны кыайыы иһин диэн медалынан наҕараадаламмытым” – диэн кэпсиирэ.
Михаил Семенович сэрии кэнниттэн, сулууспатын 426-с отдельнай стрелковай батальоҥҥа муора пехотатыгар салҕыыр. Кини Чуумпу океан биэрэгэр, кэлин Япония арыытыгар уонна Дальнай Востокка 1948 сыл бэс ыйыгар диэри сулуууспалаабыта.
Дойдутугар эргиллэн кэлэн ааҕар балаҕан сэбиэдэссэйинэн, кэлин колхоз, совхох ыарахан үлэтигэр үтүө суобастаахтык үлэлээбитэ.
Ситиһиилэрэ:
1. 1948 с – “30 лет Советской Армии и Флота” удостоверение
2. “За доблесть и отвагу в ВОВ” удостоверение
3. “За Победу над Японией” удостоверение

Распечатать