Мин а5ам Сахтыев (Сахтьев, Сахтиев) буолун сеп, 1911 сыллаахха Сунтаар оройуонун, Хадан нэьилиэгин, Ньыла дэриэбинэтигэр тереебутэ.
А5ам сэрии иннинэ колхоз бэрэссэдээтэлинэн улэлээбитэ. Кэргэнинээн, Мария Иннокентьевналыын икки о5оломмуттара. Улэлээбит сыллара аас- туор, тиийимиэт олох кэмнэрэ этилэр. Бу улэлии сылдьан кладовщигын кытта субэлэьэн баран, икки киьини тыа5а тайахтата диэн ыыппыттар. Ону “от улэтин угэнин тохтоттугут” диэн дьыала5а эриллэн икки сылга сууттаммыттар. Иккиэннэрин хаайыыга ыыталлар. Ити 1940 сыллаахха быьыылаа5а.
1941 сыл сэрии са5аламмытыгар, бэйэтэ тылланан сэриигэ барар.
А5ам 33-с армия, 110-с стрелковай дивизия, 1287 стрелковай полкатыгар тубэьэр.
1942 сыл тохсунньу ыйыттан са5алаан 33-с армия Ржев-Вязьма туьаайыыга сэриилэспитэ. Беззубов Н.А. хамандыырдаах 110-с стрелковай дивизияны, армия уца флангатын кемускуургэ бырахпыттара. Дивизия Водицкое, Юсово, Трочна, Костино, Каменка, Буканово пууннары ылаары элбэх киьи елуктээх сутуктэммиттэрэ. Бу кыргыьыыга Саха сириттэн охтубут буойуттар истэригэр мин а5ам эмиэ баара. 1942 сыл кулун тутар ый 16 кунугэр Смоленскай уобалас Поляна дэриэбинэтигэр елбутэ.
Бу туьунан 1287 стрелковай полк командира майор подполковник Рагицкий, батальон комиссара подполковник Скоморосов биэрбит Ньурба куорат военкоматын архыыбыгар хараллан сытар докумуоннар туоьулууллар.
Онон а5ам Смоленскай уобалас, Износковскай оройуонун Поляна дэриэбинэтигэр хараллан сытар.
Ахтыыны суруйда Сахтыев Дмитрий Григорьевич кыыьа – Валентина Дмитриевна Данилова.
Ыам ый 16 кунэ 2020 сыл. Дьокуускай куорат.
Распечатать