Наумов Ион Никифорович

1941-1945 сс А5а Дойдуну кемускуур Улуу сэриигэ хас биирдии дьиэ-кэргэн ыар сутуктэммитэ. Аан дойдуну атыйахтаах уу курдук аймаабыт сэриигэ Саха Сириттэн элбэх киhи кыттыбыта. Ол дьон уксулэрэ Саха Сирин тыаларыттан, киэн куйаар алаас быыhыгар бугэн уескээбит, нууччалыы биир да тылы билбэт, улэни ере туппут дьон этэ. Бу алдьархайдаах уоттаах сэрии биhиги айма5ы эмиэ тумнубата5а. Биhиги а5абыт, эhээбит, хос эhээбит Ион Никифорович 1920 сыллаахха Горнай оройуонун Октябрьскай нэhилиэгэр холкуостаах ыалга кун сирин кербутэ. 1942 сыл сайыныгар А5а Дойду сэриитин иккис хомууругар ыцырыллыбыта. Кини история5а киирбит Улуу Ильмень кыргыhыытыгар сэриилэспитэ. Хомуурга ыцырыллан баран бастаан утаа ый кэрицэ сэп-сэбиргэл, хомуллуу, бэлэмнэнии кууруhун барар. Олунньу ый сацатыгар Ильмень куел таhыгар оборона5а 22-с туспа хайыhар биригээдэтинэн турбуттар. Кини 3 киhилээх пулемётнай расчёкка тубэспит. Онно «Максим» станковай пулемёкка иккис пулемётчигынан анаммыт. Биир сарсыарда ньиэмэс самолёттара куелу эргийэ сылдьан буомбалаабыттарын тумугэр элбэх саллаат ууга былдьаммытын эhэбит хойукка дылы саныыра, хараастан кэпсиирэ. Саллааттар тацастара-саптара барыта мууhуран, сэптэрэ-сэбиргэллэрэ тоцон эрэй бе5етун керсубуттэр. Сыал-сорук ураты сытар дэриэбинэни босхолооhун. Икки еттуттэн кырыктаах кыргыhыы кэмигэр пулеметнай расчёт командира нуучча уола ньиэмэс буулдьатыттан табыллан елбут, эhэбит хамаанданы бэйэтин илиитигэр ылан саллааттар бэйэлэрэ киирсибиттэр. Инники кирбиигэ сыыллан киирэн ытыалыы сытар ньиэмэстэр пулеметтарын гранатаннан быра5ан суох оцорбут. Бу кыргыhыы сыалын-соругун сиппит, дэриэбинэни халабырдьыт естеехтен босхолообуттар. Кыргыhыыга хорсуннук сэриилэспитин иhин Албан аат 3 степеннээх уордьанынан, «Хорсунун иhин», «Бойобуой утуелэрин иhин» мэтээллэринэн на5араадаламмыт, А5а Дойду сэриитин 1 степеннээх уордьанынан бэлиэтэммит. Тапталлаах а5абыт, эhэбит, хос эhэбит Ион Никифорович баара буоллар 17 сиэннээх, 20 хос сиэннээх Улуу Кыайыы 75 сылын туолар юбилейнай парады керсуе этэ.

Распечатать