Лебедкина (Степанова) Мария Степановна 1934 сыллаахха Ленинскэй оройуон 1 Хаҥалас нэһилиэгэр төрөөбүтэ. Дьоно эрдэ өлөннөр, тулаайах хааланнар, эдьиийин кытта аймахтарынан көһө сылдьан, улааппыттара. Сэрии кэмигэр холкуоска о5ус сиэтээччинэн, араас үлэлэргэ сылдьыбыта. Аччык, аас – туор олоҕу этинэн хаанынан билбитэ. Өлбөт туһуттан ааннарын бүрүөтүн тириитин уокка саллан сииллэрин, кутуйах хасааһын көрдөөн , онтон туораах хомуйалларын кэпсээччи.
Ийэм 1954 сыллаахха 1 Хаҥалас оскуолатыгар сэттэ кылааьы бүтэрэн баран, Дьокуускай куоракка культпросвет училищетыгар туттарса барбыта. Кыайан туттарсыбакка, СМУ-3 штукатур малярынан үлэҕэ киирбитэ.
1957 сыллаахха олоҕун доҕорун Лебедкин Лука Игнатьевиһы көрсөн, ыал буолбуттара. 1965 сыллаахха Бүлүү оройуонун Үгүлээт нэһилиэгэр көһөн кэлбиттэрэ.
Ийэм Үгүлээккэ участковай балыыһаҕа 31 сыл устата завхоһунан үлэлээбитэ. Өр сыллаах үлэтин сыаналааннар “За вклад в развитие здравоохранения Вилюйского улуса” диэн знагынан наҕараадалаабыттара. Ийэбит Мария Степановна үлэ, тыыл бэтэрээнэ этэ.
2016 сыллаахха балаҕан ыйын 20 күнүгэр суох буолбута .
Лебедкина (Степанова) Мария Степановна
РаспечататьНашли ошибку? Просим написать нам: nvk-online@mail.ru с указанием ссылки.