Яковлев Никита Игнатьевич

Яковлев Никита Игнатьевич (1917-1967) – 1917 сыл төрүөх, “1 Маай” колхоз чилиэнэ, 1941 сыллаахха балаҕан ыйын 4 күнүгэр сэриигэ ыҥырыллыбыт. Калининскай фронт 108-с СД, 40-с СП 9-с ротатын рядовой саллаата, Ржевтээҕи кыргыһыы кыттыылааҕа, 1947 сыл кулун тутар 28 күнүгэр демобилизацияламмыт. Хорсуннук сэриилэспитин кини бойобуой наҕараадалара “Хорсунун иһин”, “Бойобуой үтүөлэрин иһин”, “Германияны кыайыы иһин” бойобуой мэтээллэр туоһулууллар. Кини 1967 сыллаахха Чочуга олорон өлбүтэ. Прасковья Макарова ахтыытыттан: “Биһиги бары истэн улааппыт, ырыаҕа ылламмыт Крюково дэриэбинэ таһыгар буолбут кыргыһыыга Никита Игнатьевич дэриэбинэни ылар иһин кыргыһыыга кыттыбыт, араанньы буолбут. Сэриигэ маҥнайгы ыҥырыкка хабыллан баран сэрии бүтүөр диэри Ийэ дойдутун көмүскэспит буойун Никита Яковлев кэлин хаста да араанньы буолбута. “Бойобуой үтүөлэрин иһин” мэтээлгэ түһэрбит бирикээстэригэр сурулларынан, кини 108-с стрелковай дивизия 9-с ротатыгар сэриилэһэ сылдьан 1943 сыллаахха аҥардас кулун тутар ый 8 күнүгэр иккитэ араанньы буолбут. Саллаат Никита Игнатьевич, сэриигэ ылбыт бааһырыыларыттан сэдиптээн оҕолоро кыраларыгар 1967 сыллаахха өлбүтэ”.
Яковлев Никита Игнатьевич олоҕун ыччаттара салгыыллар.

Распечатать