Сэриигэ 1942с. балаҕан ыйын 29 күнүгэр ЧХОБК ыҥырыллан барбыт. 1944с. олунньу 12 күнүгэр сэриигэ өлбүт.Белоруссия Витебскэй уобалаһыгар Крикскэй оройуонугар Поротково дэриэбинэҕэ көмүллүбүт. Кэргэнэ Тумултан төрүттээх Птицына Парасковья Ильинична диэн эбит. Эһэбит сэриигэ барарыгар эбэбит ыалдьа сытар үһү. Кэргэнэ барбытын кэннэ 6 хонон баран өлбүт. Онон аҕабыт 10 сааһыттан саҥа тахсан эрэр оҕо төгүрүк тулаайах хаалан ыалы кэрийэ сылдьыбытын Хаптаҕай детдомугар илдьибиттэр. Онтон аҕабыт бииргэ төрөөбүт убайа Калачев Михаил Федорович сэрииттэн 1944с. 2 группалаах инвалид буолан кэлэн иитэн киһи оҥорбут. Эһэбит олус күүстээх кыанар киһи үһү. 60 куобаҕы сүгэн куоракка киирэн атыылыыр этэ диэн Ноговицын Петр Гаврильевич кэпсиирэ.
Калачев Серафим Федорович
РаспечататьНашли ошибку? Просим написать нам: nvk-online@mail.ru с указанием ссылки.