Максимов Афанасий Васильевич

Максимов Афанасий Васильевич 1905 с. Араҥас нэһилиэгэр төрөөбүтэ. Сэрии саҕана саастаах да буолан уонна доруобуйатынан армияҕа барбатаҕа. Үлэ фронугар ыҥырыллан Сангарга мантан хаһыа да буолан барбыттара. Кэлин биһиэхэ кэпсииринэн аҕабыт Калачев, Овчинников, Цыпандин Е.И., Ноговицын курдук үлэни кыайар дьону кытары Сангарга чох хостооһунугар үлэлээбиттэр. Ол үлэлии сылдьан атаҕын өлөрөн аҕам дойдутугар төннөн кэлбитэ, имбэлиит буолбута. Үлэ фронугар барыан иннинэ аҕам ыраах айаҥҥа сылдьарын кэпсиирин үгүстүк истэрим. Оччолорго үлэни кыайар – хотор дьону ыраах айаҥҥа ыыталлара. Аҕабыт хас да көле аттаах таһаҕаһы Дьокуускайтан тиэнэн баран Тааттанан, Уус – Майанан Охотскай перевозка тиэйэрэ. Ааллаах Үүн, Айаан курдук сирдэринэн элбэхтик айаннаабыта. Сэрии кэнниттэн колхоз үлэтигэр илиитин араарбакка үлэлээбитэ. Ленин 100 сааһын туолар юбилейнай мэтээллээх, Москваҕа ВДНХ быыстапкатыгар бара сылдьыбыта.

Распечатать