Трофимов Петр Константинович

Аҕа дойду улуу сэриитин бэтэрээнэ
Трофимов Петр Константинович
Биhиги аҕабыт, эhээбит, хос эhээбит Трофимов Петр Константинович 1912 сыллаахха Бүлүү улууhун Бөкчөҥөө нэhилиэгин Акы Сайылыгар төрөөбүтэ.
​1942 сыллаахха бэс ыйыгар армияҕа ыҥырыллыбыта. Сталинград куораты босхолуур иhин хорсуннук сэриилэспитэ. 973 стрелковай полкаҕа түбэспитэ. Кини бастыҥ артиллерист этэ. Атаҕар улаханнык араанньы буолан 1944 сыллаахха дойдутугар эргиллэн кэлбитэ. Слава орден кавалера, хорсунун иhин хас да бойобуой мэтээллэрдээх.
Сэрии кэнниттэн совхозка сылгыhытынан, бостуугунан үлэлээбитэ. 3 оҕо амарах аҕата, 6 сиэннээх, 9 хос сиэннээх. Көрсүө-сэмэй, сымнаҕас майгылаах, мэлдьи үөрэ-көтө сырдыгынан сыдьаайа сылдьара. 1982 сыллаахха күн сириттэн барбыта. Биhиги оҕолоро, сиэннэрэ, хос сиэннэрэ кининэн киэн туттабыт, мэлдьи саныыбыт.

Распечатать