Алексей Егорович Ньурба нэhилиэгэр (урут Накаас нэhилиэгэ дииллэр этэ) Кураҥҥа орто бааhынай кэргэнигэр 1886 с. тѳрѳѳбүтэ. Алексей ыал тутаах оҕото буолан, дьоно ѳлбүттэрин кэннэ, бэйэтэ бырааттарын балтыларын барыларын кѳрѳн-истэн, үѳрэттэрэн, иитэн киhи гынаттаабыт.
Кини Ньурба начальнай оскуолатын бүтэрэн баран салгыы үѳрэнэн 1916 с. Куочай икки кылаастаах церковнай-приходскуой оскуолатын бүтэрэр. Ити сылларга кини С.В.Васильевы, М.В.Мегежекскэйи кытта үѳрэммитэ.
1917 сылтан 1922 сылга диэри кини 1 Ньурба нэhилиэгин сельскэй ревкомунан уонна Советын секретарынан, 1922 сылтан 1926 сылга диэри волость ревкомун чилиэнинэн уонна Ньурба улууhун исполкомун председателинэн үлэлээбитэ. Советтар бүтүн саха сиринээҕи IV съеhигэр Бүлүү уокуругуттан 1926 с. делегатынан кыттыбыта. Ойуунускай дакылаатын дьүүллэhиигэ тыл эппитэ. Советтар 5 съезтэригэр уонна 1934 с. саха сиригэр нархозучет инспектордарын съеhыгар кыттыыны ылбыта. Кэлин наспо председателинан, народнай судьуйаҕа секретарынан, сир салаатыгар, МТС, райсоюз бухгалтерынан үлэлээбитэ.
Сэрии сылларыгар Алексей Егорович промышленнай комбинакка бухгалтерынан, производство уонна кѳмѳлтѳ хаhаайыстыбатыгар сэбиэдиссэйинэн үлэлээбитэ.
Егоров Алексей Егорович
РаспечататьНашли ошибку? Просим написать нам: nvk-online@mail.ru с указанием ссылки.