Киренский Иннокентий Наумович

1941 сыллаахха балаҕан ыйын 14 күнүгэр бииргэ төрөөбүт быраатынаан Киренскэй Федор Наумовичтыын иккиэннэрин Чурапчы военкомата Майага ынырбыта. Бииргэ төрөөбүттэр иккиэ эрэ этилэр быраатыгар 5 о5о Иннокентийга 2 оҕо хаалбыттара. Аҕалара Наум Васильевич Майаҕа атаара барсыбыт. Иркутскай область «Мальта» диэн станциятыгар распределительнай пууҥҥа тиийбиттэр онно 1942сыл ыам ыйыгар дылы военнай үөрэҕи барбыт. Мальтаттан биир батальону набордаан суол оҥоһуутугар ыыппыттар. Дальнай Восток тимир суолун кытта сэргэстэһэ буор суол онорбуттар. Михайловка «Кручина» диэн станциялар тастарыгар Чита уобулаhыгар буор-суолу ситэрсибиттэр. Иркутскай уобалас «Тайтрука» диэн станция арҕаа өттүгэр байыаннай тимир суол меткатын оҥорбуттар.
Хоту Кавказка 1944с. Тохсунньу 9 кунугэр Муора уутун сирэйиттэн 4 км урдук таас хайа перевалы унуордаан 70000 киьи 1,5 сыл устата оҥорон бутэрбиттэр.
1945с бала5ан ыйын саҕана Грузияҕа Восточнай Кахетерия5а атаарбыттар, нефть к8стубут онно суол онорбуттар. 1947 с бала5ан ыйын 1 күнүгэр дылы сэриилэспэккэ наар суол оҥоһуутугар сылдьыбыт.Дойдутугар 6 сыл 1 ыйынан эргиллэн кэлбит. ЗАБВО 586 в/ч134СП
«За отвагу», «За победу над Германией» мэтээллэринэн на5арадаламмыта.
Сэрииттэн т8нн8н дойдутугар кэлэн баран Иннокентий Наумович Төҥүлү сельпотугар эргиэннэ солбуйар председателынан икки сыл үлэлээбитэ. Ол кэннэ сана тэриллэн эрэр управления5а- «Государственное всесоюзное обьединение Заготсырья» по, Якутской АССР-Чурапчы, Амма, Мэҥэ-Хаҥалас улуустарыгар тирии хомуйар тэрилтэҕэ «Амгинская межрайонная контора Заготсырья» директорынан үлэлээбитэ.
1961 с Уус-Алданна Суотту нэһилиэгэр «Холбос» тирии складын сэбиэдиссэйинэн анан кэлбитэ. Сэтинньи 4 күнүгэр 1967с. Уус-Алдан Райсоюһун уонна кооперация Союһун Райкомун уураахтарынан уһун сылларга энкилэ суох улэлээбитин иһин Райсоюз бочуотун кинигэтигэр суруллубута. Үлэлээбитин тухары кини үгүс грамоталардаах, харчы премияларынан элбэхтик наҕараадаламмыта.

Распечатать