Стручков Сергей Максимович (Ньааспай)

Эһээбит 1925 сылтан үрэххэ маҥнайгы сир оҥоһуутун табаарыстыбаҕа холбоһон үлэлии олорон, «Бүөччэ» табаарыстыбатын кытта холбоһон 1929 сылтан «Үүнүү» колкуоска Остуойкаҕа көһөн киирэн Бөтүрүүсэ дьиэтигэр олорон колхоз биир туллар тутаах улэһитэ биир күн өрөөбөккө улэлээбит-хамсаабыт.Сааһын тухары ферма, хонуу үлэтин үлэлии-үлэлии бултуура,балыктыыра.Сылайары умнубут ураты үлэһит. Кыра да буоллар тутууга уһанар.Хас олорбут сирин аайы дьиэ туттан олорбут.
Үлэ, тыыл ветерана Иванова Вера Петровна ахтыытыттан.Бигиги эһээбит уонна эбээбит бииргэ олорбуттар . Сэргэй оҕонньордоох үтүө санаалаах дьоннор этилэр кэргэнинээн Балбааралыын. Умаһахтан таһааран үүтүнэн ааһан иһэр айанньыт дьону аһаталлара. Сэрии сылларыгар оҕонньорбут балыктаан биһигини ферма о5олорун хоргуйан өлөртөн быыһаабыта, ити бириэмэҕэ кини бостуугунан улэлиир этэ. Сарсыарда аайы балыктаан кэлэн баран эмээхсинигэр Балбаараҕа буһаттаран баран бүтүн ферма оҕолорун ыһытаан ылан-, о5олоор мунду ыһыаҕа кэлин , куруускаҕытын, луоскугутун илдьэ кэлин диэн барыбытын ыҥыран ылара .Бары ферма о5олоро үөрүү- кетүү бөҕө буларбыт, бары төгуруччу олорон ас бүтүөр дылы ханна да барбаппыт, балыкпыт кэнниттэн.Балбаара куруускабытыгар иэдьэгэй кутаттыыра. Билигин санаатахха наһаа да үчүгэй дьоннор эбиттэр иннэ гынан сэрии аччык сылларыгар биһиги фермабытыттан ким да өлбөтөҕө диэн билигин да саныыбын, махтанабыт.

Распечатать