14 гвардейский стрелковый полк 7 гвардейской стрелковой дивизии Прибалтийского фронта
Аҕа дойду сэриитинкыттыылааҕа Калачев Гаврил Гаврильевич.
Гаврил Гаврильевич Калачев 1922 сыллаахха Мэҥэ-Хаҥалас оройуонун Араҥас нэһилиэгэр колхозтаах дьиэ-кэргэҥҥэ төрөөбүтэ. 1941 сыллааххаТөҥүлү орто оскуолатын 8 кылааһын бүтэрэн салгыы үөрэнэр усулуобуйата суох буолан колхозка суотчутунан үлэлээбитэ. 1942-1943сс. Хону биригэдьииринэн үлэлээбитэ. 1943 сыллаахха Армияҕа ыҥырыллан, Аҕа дойду сэриитигэр Ийэдойдутун көмүскүү барбыта.Сэрии фронугар отделение командирынан сылдьыбыта, үс төгүл бааһырбыта. Германия Бренау куоратыгар тиийэ сэриилэспитэ, 1945 сыллаахха ыараханнык бааһыран госпитальга өр эмтэнэн баран, дойдутугар 1945сыл күһүнүгэр тыыннаах эргиллибитэ. Улаханнык төбөтүгэр бааһыран аҥар хараҕыттан мэлийэн 2 группалаах инбэлиит буолан кэлбитэ. Кэлээт даҕаны олоҕу чөлүгэр түһэриигэ үлэлээбитинэн барбыта. Маҥнай Дьабыыл оскуолатыгар военругунан, кэлин дьоно-сэргэтэ быыбардаан Араҥас нэһилиэгэр Ворошилов аатынан колхозка председателинэн үлэлээбитэ. Оччотооҕу ыарахан кэмҥэ колхоз баайын-дуолун хаҥатарга, үлэтин тэрийэргэ күүһүн харыстаммакка үлэлээбитэ. Кэргэннэнэн икки оҕоломмута. Баара-суоҕа 28 сааһыгар ыарахан ыарыыттан өлбүтэ.
Наҕараадалара: орден “Красная звезда”, медаль “За отвагу”, медаль “ За победу над Германией”, “ За доблестный труд”, 1947 с.
Распечатать