Буслаев Владимир Ефимович

Буслаев Владимир Ефимович (1912-1977) – l Чочу нэһилиэгэр Ампаардаах диэн сиргэ 1912 сыллаахха төрөөбүтэ, баартыйата суох, начаалынай кылаас үөрэхтээх, Каганович колхоз чилиэнэ, армияҕа 1942 сыллаахха ыҥырыллыбыт. Японияны утары сэрии кыттыылааҕа, “Японияны кыайыы иһин” мэтээлинэн наҕараадаламмыт, 1947 сыл ыам ыйын 21 күнүгэр демобилизацияламмыт. Сэрии кэнниттэн мясомолпромҥа, лесхозка үлэлии сылдьыбыта. 1977 сыллаахха өлбүтэ. Балта Акулина (Колесова) ахтыыта:
“Владимир Ефимович Буслаев 1942 сылтан ыла Германияны кыайыыга диэри сэриигэ сылдьан баран, Японияны кытта сэриигэ барытыгар сылдьан баран, дойдуну чөлүгэр түһэриигэ сулууспалаан баран, 1947 сыллаахха сайын дойдутугар эргиллибитэ. Элбэх наҕараадалаах этэ. 1977 сыллаахха ити сырыылар охсууларыттан ыарыһах буолан дойдутугар өлбүтэ”.
Владимир Ефимович олоҕун аймахтара салгыыллар, үйэтитэллэр.

Распечатать