Буслаев Пётр Ефимович

Буслаев Пётр Ефимович (1919-1968) – от ыйын 30 күнүгэр 1919 сыллаахха l Чочу нэһилиэгэр Ампаардаахха төрөөбүтэ. Баартыйата суох, кыра үөрэхтээх, Каганович колхоз чилиэнэ, сэриигэ 1943 сыл бэс ыйын 19 күнүгэр ыҥырыллыбыт. Керчь куорат иһин кыргыһыы кыттыылааҕа, араанньытынан 1944 сыл ыам ыйын 31 күнүгэр демобилизацияламмыт. “Хорсунун иһин”, “Германияны кыайыы иһин”, “1941-1945 с.с. Аҕа дойду Улуу сэриитигэр Кыайыы 20 сыла” үбүлүөйдээх мэтээлинэн наҕараадаламмыта. 1968 сыллаахха от ыйын 25 күнүгэр 49 сааһыгар Үөһээ Бүлүүгэ олорон ыалдьан өлбүтэ. Пётр Ефимович сэрииттэн кэлэн баран араас үлэҕэ үлэлэбитэ: маҥнай соҕотуопкаҕа ааҕыннаабыта, 1947-1953 с.с. Молотов аатынан, онтон “Саҥа суол” колхоз бэрэссэдээтэлинэн, Үөһээ Бүлүү нефтебазатыгар сэбиэдиссэйинэн үлэлээбитэ, эмиэ да атыыһыттыы сылдьыбыта. Олоҕун тиһэх сылларыгар приёмосдатчигынан үлэлээбитэ.
Буслаев Пётр Ефимович олоҕун оҕолоро сиэннэрэ салгыыллар.

Распечатать