Томскай Григорий Семёнович

Томскай Григорий Семёнович (1919-1974) – сэтинньи 30 күнүгэр 1919 сыллаахха Кыадаҥдаҕа Халгыйга төрөөбүт, учуутал, армияҕа 1943 сыл бэс ыйыгар ыҥырыллыбыт, сержант, lll Белорусскай фронт 5-с Армиятын 215-с СД 711-с СП, ll Украинскай фроҥҥа 230-с туспа миномётнай полкаҕа сулууспалаабыт. 1946 сыллаахха демобилизацияламмыт. Албан аат lll степэнэ уордьанынан, “Хорсунун иһин”, “Бойобуой үтүөлэрин иһин”, “Германияны кыайыы иһин” мэтээллэринэн наҕараадаламмыт. Вильнюс куорат бочуоттаах гражданина, Бүлүү улууһугар Чернышевскай (Чинэкэ) нэһилиэгэр олорон 1974 сыллаахха өлбүтэ. Г.С.Томскай фронтан дьонугар суруга: “Ытыктабыллаах ийэм уонна балтым Даша, кыргыһыы хонуутуттан бойобуой дорообото тутуҥ! Мин бэрт үчүгэйдик сылдьабын, быйыл ыам ыйын 25 күнүттэн ылата кыргыһыы хонуутугар фашистары кыдыйабын. Мин бойобуой суолум биир томтор иһин кырыктаах кыргыһыыттан саҕаламмыта, манна өстөөх 250 өлүктэрэ хаалбыта. Ийэм уонна балтым Даша, инникитин өстөөхтөрү ордук хорсуннук кыдыйарбар эрэниилээх олоруҥ. Эһиги үчүгэйдик олороргутугар, үлэлииргитигэр баҕарабын. Уолгут Гриша. 1943 сыл, бэс ыйа, 20689 №-дээх полевой почта”. Вильнюһу босхолооһуҥҥа кыттыбытым туһунан 1962 сыллаахха “Красная звезда” хаһыакка “Вильнюс помнит” диэн П.Фролов ыстатыйата тахсыбыт этэ: “В июле 1944 года сержант Г. Томский, командир стрелкового отделения, в числе первых советских воинов с боями подошёл к литовской столице. Начались уличные бои. В ночь на десятое повёл своих бойцов в город и сержант Томский. Здесь были сильные укрепления врага. Штурмовать их прямо в лоб опасно, и сержант повёл бойцов в обход. Выбитые из дотов враги бежали. Сопротивление врага было сломлено благодаря беззаветной храбрости наших воинов, таких, как якутянин Григорий Томский. Враг окончательно капитулировал тринадцатого июля. Этого сержант уже не дождался. В ночном бою 12 июля он был ранен в ногу и отправлен в госпиталь. За участие в боях по освобождению литовской столицы сержант Г.С.Томский был награждён орденом lll степени. Для жителей столицы Литвы он стал почётным земляком”.
Григорий Семёнович олоҕо ыччаттарыгар салҕанар.

Распечатать