Тарасов Егор Алексеевич

Егор Алексеевич бала5ан ыйын 1 күнүгэр 1924 сыллаахха Таатта оройуонугар Ньимиидэ төрдүгэр дьадьаҥы бааһынай дьиэ кэргэнигэр төрөөбүтэ. Аҕата Алексей Гоша 2 саастааҕар, онтон ийэтэ Александра 9 саастааҕар олохтон туорааннар төгүрүк тулаайах хаалбыта. 1931 сылаахха Ньимиидэ 2 группалаах оскуолатын 1 кылааһыгар үөрэнэ киирбитэ. 1940 сыллаахха Уолба 7 кылаастаах оскуолатын бүтэрбитэ. Ол кэнниттэн Дьокуускай куоракка ФЗО – ҕа үөрэнэн оһохчут идэтин ылбыта.
1942 с. балаҕан ыйыгар армияҕа ыҥырыллан, Забайкальскай байыаннай уокурукка 226-с отдельнай стрелковай биригээдэ 3 батальонугар, онтон 278-с стрелковай дивизия отдельнай автоматнай ротатыгар автоматчигынан сулууспалаабыта. 1945 с. атырдьах ыйын 9 күнүттэн Японияны утары сэриигэ кыттыбыта. 1945 – 1947 сс. Тихоокеанскай байыаннай флот 93-с бригадатыгар отделение командирынан сулууспалаабыта. 1947 с. бэс ыйын 9 кунугэр дойдутугар Тааттаҕа эргиллэн кэлбитэ.
1947 с. тохсунньу 19 күнүттэн 1954 с. кулун тутарга дылы Ворошилов колхуос бэрэсэдээтэлинэн талыллан олоҕу чөлүгэр түһэриигэ күүьүн харыстаабакка үлэлээбитэ. 1954 с. сэтинньи ыйыттан 1957 с. балаҕан ыйыгар дылы Дьокуускайдааҕы колхуоһунай – партийнай оскуоланы үөрэнэн бүтэрбитэ.1957 сылтан 1980 сыллаахха дылы 33 сыл Таатта оройуонун Уолба уонна Дэбдиргэ отделениеларыгар тустааҕынан 30, 3 сыл устата биригэдьииринэн, управляющайынан, Сэбиэт бэрэсэдээтэлинэн эҥкилэ суох үлэлээн дьон ытыктабылын ылбыта. Пенсияҕа тахсан баран 1980-1991 сс. Уолба отделениетын партийнай тэрилтэтин сэкиритээринэн талыллан үлэлээбитэ.
Егор Алексеевич 1950 с. Анастасия Семеновна Степановналыын ыал буолан 8 оҕону төрөтөн, элбэх сиэннэнэн, хос сиэннэнэн 2001 с. олохтон барыар диэри дьоллоохтук олорбуттара.
Егор Алексеевич бойобуой сырыыта “Отечественная война 2 ст.” орденынан, “За победу над Японией”, “За доблестный труд в Великой отечественной войне 1941-45 г.” уонна юбилейнай мэтээллэринэн бэлиэтэммитэ. Эйэлээх олох кэмигэр таһаарыылаах үлэтин иһин “Орден Трудового Красного Знамени” орденынан наҕараадаламмыта.
Подразделение где служил, воспоминания и биография.

Распечатать