Биһиги Ийэбит,эбэбит,хос эбэбит Неустроева Марфа Ильична убайдара үлэһит булчут бэртэрэ этилэр.Бэрээйи колхозка бастакы бастыҥ трактористар эбиттэр. Ол курдук кыайыылаахтык үлэлии сырыттахтарына сэрии буолан 1942 сыллаахха утуу субуу сэриигэ ыҥырыллан барбыттар.Эбэбит Ыарыһах убайынаан уонна Ийэтинээн бэйэлэрэ эрэ хааллбыттар.Убайа сылы туораабатах ыалдьан өлбүт.Ийэтинээн иккиэйэх сэрии ыар сылларын туораахтаабыттар.14 сааһыттан улахан дьон үлэтин тэҥҥэ үлэлэһэн,фермаҕа учетчик диэн оччолорго ыарахан үлэҕэ үлэлээбитэ.Үүтүн илиинэн таһан эрийэрэ,сүөгэйин арыылыыра,кииҥҥэ оҕуһунан тиэйэн киллэрэн туттарара.Арыыта кытаанах диэн хайҕанар эбит.Ол быыһыгар ууга турар оту үргээн туттараллара,күһүҥҥү тымныы халлааҥҥа атаҕа кытарчы иһэн ыалдьарыттан ытамньыйара,онтон убайдарым сэриигэ сырыттахтара тоҕо мин ытаатахпыный диэн туттара.Оннук этэҥҥэ сэрии ыар аас туор олоҕун этэҥҥэ туораан кыайыы күнэ үүммүт.
Бастакы барбыт убайдара өлбүтүн туһунан хара сурук кэлбит,үс кэнники барбыт уолаттар барахсаттар сураҕа суох сүппүттэр.
Эбэбит 1948 сыллаахха Аҕабытынаан,Эһэбитин сэрии инвалидынаан Неустроев Александр Николаевичтыын холбоһон ыал буолтара.Үс кыыстанан кыргыттар үһүөн ыал буланнар элбэх сиэн оҕону оҕолоон дьоллоох олоҕу олорон ааспыта.Колхозка,совхозка үлэлээн пенсияҕа тахсыбыта.Иистэнньэҥ бэрдэ ,асчыта аны булчута балыксыта сааһыт бэрдэ этэ.
Кэргэнинээн иккиэн үчүгэй майгылаах буолан тэлгэһэлэрин иһэ толору оҕо буолара,ыалларбыт оҕолоро бары биһиэхэ оонньуу кэлэллэрэ.Ол курдук олоҕун салҕыыр элбэх ыччаттардаах.
Эбэбитинэн киэн туттабыт,сүгүрүйэбит,махтанабыт!
Печетова-Неустроева Марфа Ильинична
РаспечататьНашли ошибку? Просим написать нам: nvk-online@mail.ru с указанием ссылки.
