Кириллин Антон Наумович, 1925 сыллаах төрүөх, начаалынай оскуоланы Улахан Күөлгэ Ньурба оройуонугар бүтэрбит. Колхоз чилиэнэ. Сэриигэ 18 сааһыгар 1943 с. от ыйын 15 күнүгэр ыҥырыллыбыт. Забайкальскай байыаннай уокурук Кыһыл Знамялаах Хинганскай стрелковай полкатын 55 отделениятыгар рядовой стрелок быһыытынан сулууспалаабыт, Улахан Хинган хайатын сатыы туораан, Монголияҕа Гоби таас-кумах истиэбин ааһан Япония милитаристарын утары сэриигэ кыттыбыт. Бу сырыытын иһин бойобуой чаас уонна Сталин илии баттааһыннаах Хайҕал сурук ылбыт. 1948 с. кулун тутар 17 күнүгэр 23 сааһыгар демобилизацияламмыт. «Японияны кыайыы иһин», «Германияны кыайыы иһин» уонна юбилейнай мэтээллэрдээх. Ньурьа Малдьаҕарын кыыһын кэргэн ылан икки уол оҕоломмута, эрдэ огдообо хаалбыта. Маалыкайга киирэн колхозка, совхозка сайын катерга моториһынан, кыһын кадровай булчутунан үлэлээбитэ. 1972с. ыалдьан күн сириттэн күрэммитэ. Хомойуох иһин мэтээллэрэ уонна Хайҕал суруктара хараллыбатахтар арай японияттан илдьэ кэлбит кыракый сундууга баар.
Кириллин Антон Наумович
РаспечататьНашли ошибку? Просим написать нам: nvk-online@mail.ru с указанием ссылки.