1910 сыллаахха Эрбэһиңңэ Харыйалаах диэн алааска Хааһах ѳтѳҕѳр тѳрѳѳбүт. Аҕата – Александров Иван Яковлевич I (Сээбэс Уйбаан), Күүстээх Уйбаан бииргэ тѳрѳѳбүт убайа. Ийэтэ – Сивцева Анна Ивановна. Александры тѳрѳтѳрүгэр ѳлбүт, итэҕэс 7 эрэ ыйдаах оҕону эбэтэ Ѳкүүчэ оҕолообут.
Александр Иванович сэриигэ 1942 сыл от ыйын 22 күнүгэр Чурапчы военкоматынан ыңырыллан барбыт. 1943 сыл бэс ыйын 22 күнүгэр демобилизацияланан дойдутугар кэлбит.
Сэрииттэн кэлэн баран Павлова (Ушницкая) Фекла Дмитриевнаны кэргэн ылан 7 кыыс оҕоломмуттар. Александр Иванович мас, тимир ууһа, дьиэ тутааччы, оһохчут, отчут-масчыт эбит. Уус киһи быһыытынан колхоз биир тутаах үлэһитэ этэ. Эрбэһиңңэ уус дьиэтин тутуллан, Александр Иванович хара сарсыардаттан хойукка диэри тимиринэн уһанара диэн ахталлар биир дойдулаахтара.
51 эрэ сааһыгар 1965 сыл ыам ыйын 20 күнүгэр ѳлбүт. Тѳрѳѳбүт сиригэр Эрбэһиңңэ кѳмүллэ сытар.
Александров Александр Иванович
РаспечататьНашли ошибку? Просим написать нам: nvk-online@mail.ru с указанием ссылки.