Кубаров Егор Михайлович

Егор Михайлович 1941с от ыйыгар, бастакы хомуурга ыҥырыллан кэргэнин, оҕотун хаалларан барбыта. Забалкальскайга учебкаҕа сылдьар онтон тохсунньуга фроҥҥа тиийэр.Кини 3с Украинскай фронт, 40с армия, 50с стрелковай корпус, Киевскай Кыһыл Знамялаах Богдан Хмельницскэй 2с степеннээх 74с стрелковай дивизияҕа, 6с артиллерийскай Кыһыл Знамялаах полкаҕа сулууспалаабыта, Смоленскай анныгар Харьков ,Орловскай уобалас , Киев, Белая Церьков, Румыния, Будапешт,Венгрия, Австрия ,Белград, Альпа хайатынан, Польша ,Берлин босхолооһунугар кыттан мэдээллэрдээх, 1943с Орловскай Курскай дугаҕа кыттан <> мэдээл ылар.Сэриини 1945с ыам ыйын 3 күнүгэр түмүктүүр. <> уонна Ленин 100 сааһынан уонна да атын юбилейнай мэдээллэрдээх. Иккитэ улаханнык бааһыран , онтун госпитальга эмтэнэн 1945с ахсынньыга дьиэтигэр эргиллэн кэлбит. Кини колхозка, совхозка тыа хаһаайыстыбата сайдарыгар үтүө суобастаахтык үлэлээбитэ .ҮТФ(үүт тутар ферма) сэбиэдиссэйинэн 8 сыл, 1965с табаһыттарга бригадирынан үлэлиир. 1954с үчүгэй үлэтин иһин Москваҕа ВДНХҕа сылдьыбыт. 1949с Коммунистическай партия чилиэнэ этэ. Кэргэнинээн Кубарова Анисья Иннокентьевналыын үс оҕону төрөтөн, үөрэхтээх, үлэһит оҥортообуттара. Кэлин кочегардыы сылдьан сэриигэ ылбыт бааһырыыта өрө туран 1977с атырдьах ыйын 15 күнүгэр олохтон туораабыта. Билигин кини олоҕун оҕолоро, сиэннэрэ, хос, хос-хос сиэннэрэ салгыыбыт. Эһээбитин өрүү өйдүү саныы ,киэн тутта сылдьыахпыт.

Распечатать