Олесов Семен Петрович

Олесов Семен Петрович 1905 с. билиҥҥитэ Мэҥэ Хаҥалас Араҥас нэһилиэгэр төрөөбүтэ.
Семен Петрович 1942 с. Аҕа дойду сэриитигэр ыҥырыллан барбыта. Кини Калининскай уобаласка, Москва чугаһыгар сэриилэспит. Сэрии туһунан кэпсиирин сөбүлээбэт этэ.
Семен улаханнык бааһыран, Москва аттыгар госпиталга уһуннук сытан эмтэммит. Салгыы Новосибирскайга, онтон Дьокуускайга эмтэнэр. Ону “15/VI – 1944 г. Народный комиссариат социального обеспечения РС Я инвалид II группы Отечественной войны” диэн докумуона туоһулуур.
Кэлин дьонтон истэн, кинигэттэн ааҕан биллэххэ, икки-үс көлөнөн Ааллаах Үүн диэн ыраах Хабаровскай кыраай чугаһыгар баар сиргэ таһаҕас тиэрдэн кэлэр эбит.
Сэмэн оҕонньор баһылаабыт идэтэ – тимир ууһа. Колхозтарга, кэлин совхозка тыа хаһаайыстыбатын үлэтигэр туттуллар араас массыыналары, сельхоз техникалары таҥара уонна өрөмүөннүүрэ. Кыһын от тиэйэр сыарҕаларга туттуллар буолталары, холбонор тиһиликтэри (водила) оҥортуура, сайынын быыһыгар оттоһоро.
Наҕараадалара:
– Германияны кыайыы иһин медаль,
– Аҕа дойду сэриитигэр килбиэннээх үлэтин иһин медаль 1941-45 сс. (19.02.1947 с.)
– Коммунистическай үлэ ударнига (29.04.1962 с.),
-Москва куоракка ВДНХ выставка кыттыылааҕа.

Распечатать