Биһиги ийэбит Тарабукина Аграфена Лазаревна 1925с Таатта (Томпо) оройуонун Саһыл нэһилиэгэр Лазарь Никитич, Евдокия Ивановна Тарабукиннар дьиэ кэргэттэригэр бастакы оҕонон төрөөбүтэ.Ийэлэрэ кыраларыгар оҕолоноору өлөн эрдэ оҕолор төрдүө буолан тулаайах хаалбыттар. Сэрии кэмигэр 1943 сыллаахха аҕалара үлэ фронугар 1947 сылга дылы Забайкальскай уокурукка барбыта. Оҕолор эһэлэрин, эбэлэрин көрүүлэригэр хаалбыттар. Ийэбит ыал улахан оҕото буолан улахан эппиэтинэс киниэхэ 16 саастаах кыыска буолбута. Кыра быраата 6 саастаах эбит. Сэрии кэмигэр улахан дьоннуун тэҥҥэ колхоз бары үлэтигэр үлэлиирэ, колхоз ынаҕын үүтүн барытын илиитинэн сэппэрээтэрдиирэ, дояркалаабыта, быраатын, балтыларын көрөрө. Килбиэннээх үлэтин бэлиэтээн Сталин медалынан наҕараадалаабыттар. Сэрии кэнниттэн аҕабытынаан ыал буолан Болугур нэһилиэгэр 35 сыл эйэ-дэмнээхтик олороннор элбэх оҕолонон герой-ийэ аатын ылбыта. Кэлин араас ыарахан үлэлэргэ үлэлээбитэ.Ону таһынан ыалдьытымсах, уран тарбахтаах хаһаайка быһыытынан бэлиэтэнэрэ. Ийэбит үтүө майгытынан дьон-сэргэ убаастабылын,махталын ылара.Оҕолоро,сиэттэрэ билигин кинилэр олохторун салгыыллар.
Андреева (Тарабукина) Аграфена Лазаревна
РаспечататьНашли ошибку? Просим написать нам: nvk-online@mail.ru с указанием ссылки.